Heseki’el 26:18 - NQAARIIT NE ROOG

¹⁸ Ndiiki koy, we ngenna na ƥeeraamb ale no maag ole owe sendaa, yaam njom ne wo, a pimb ake no maag ole a ndiid no muukandoong ne wo.›

Heseki’el 26:18 Referans Kwoze

Heseki’el 26:15

Keeke layum a Tiir, mi o Yaal oxe na refkaa boo faw: Ndax we ngenna na pimb ake sendkee no fangax le no njom ne wo, yaa we na ƥutaa a iinaa, yaa a bar ale a jegkaa a ndeer of?

Heseki’el 27:35

Fop we ngenna na pimb ake a njaqa yaam wo. Maad we den a ndiida boo a sendaa, mukit den a seeƈaar.

Esayi 41:5

We ngenna na pimb ake a nga’aan a paax too a ndiida, we ngenna no cat adna a sendaa rap-rap. Owe matiidaa, a ngaraa.

Yeremi 49:21

Fangax le no njom ne den xan a tax lanq ke a yo’noox, xa buuq den a nannoox boo na Kal alaa no xeet laa.

Yeremi 50:46

Fangax le na caɓ ale Babilon xan a tax lanq ke a yo’noox, xa buuq a nannoox a ndeer qeet ke.

Heseki’el 31:15

Keeke o Yaal oxe na refkaa boo faw a layu: «A koom alaa ta xaadna jaaniif, simtaam ñaawax. Muuraam juwaam fee yaam o ten, harin xa quluɓ axe, poofi maak ke a ngeennel. Niɓaannaam a Libaŋ yaam o ten, too taxar ke na koƥ ale fop a mbeera ŋayam yaam o ten.