Heseki’el 26:17 - NQAARIIT NE ROOG

¹⁷ Xan a mberanong a kim a mboy ee: ‹Nam saŋkoorto, nam moocto na xa maag axe, wo teeru fa njegu gon fee, jeg’ina katil took o maag ole, wo fo we ngenna me wo? Kaa o diidlandoogu fop we ngenna no maag ole.

Heseki’el 26:17 Referans Kwoze

Esayi 14:12

Nam keene a waagoortu? Wo oxeene yentiidaa took-ee-took asamaan, wo o xoor mbuyukuun ole, wo o mbuŋa. Maafee a lanq, wo o maamaaf oxe na saax ake!

Heseki’el 19:1

«Wo koy, yoɗi a kim a ƭomatax no gelwaar we Isra’el.

Heseki’el 32:16

Keene refu a ƭomatax ale, too xan a gimeel. Mboƥ ndoog ne no qeet ke xan a ngimaa a ƭomatax aleene. Xan a ngimanan a Misira fo wiin mayu we ngenna teen. Mi o Yaal oxe na refkaa boo faw layun.»

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Heseki’el 19:14

Fiɗel le a sutoora na xa par axe ten soo a raaɓ xa car axe ten fo xa tim axe ten. Jegatee o par o maak o mosu laa waagatna o ref o samb no maad.» Keene kaa ref a kim a ƭomatax alaa wareena o gimit ne ta refitna.

Esayi 23:4

Wo Sidoŋ, saŋe ne no maag ole, refi na gaci, yaam keeke o maag ole a layu: «Gaajooxkiim, ñootkiim too ñoowinkiim mboƥ ngoor mbaat um yar xa caaƈ xa tew.»

Sofoni 2:15

Keene na dalkaa teeru fa ƭaayu fee reeƭna no woor, a layaa taa no yiif um ee: «Mi doŋ refu meen!» Nam a yaqte neeke, boo a refat o koorand no muumeen ke? Fop we na ndeefkaa paam um xan a mbuuƴaa, a mbulaa a qoox.

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Abjaas 1:5

Boo guuɗ a ngaran’oonga, yaayaq a mbetiidong no yeng ole, a ƥiskooga ke da mbaagna rek. A ƭing taxar biiñ a ɓoorange, a naaga o yoqaa kisaatooxel, ndaa wo o mat, xan o gefel tuƈ.

Yowel 1:18

Nan-gilooxyo ne muumeen ke a iintaa! Xa siir axe kaa njoqooyooxaa o mbiñ fo mbiñ, yaam njegatee xa suufand. A ked ake sax kaa nqonaa.

A ƭomatax ake 1:1

Xar oo kene? Yeerusaleem oxey a moofa koƭoŋ-a-koƭoŋin, teeru feene suxoogna fo wiin. Kaa nandtataa o ñaaw, ten fee moƴ’ina o magin a ndeer qeet ke. Ten fee reeƭna lingeer fee no maat ke, a dame mbaƭ.

Yeremi 9:20

«Fa nqon fee a ŋaaytiida na xa palangteer axe in, a rok kam pind mosu ke in, a saŋkaa xa teɓandoong axe no ped ke fo mbes ke no paayo ke.»

Yeremi 7:29

Nuun xeet fee Yudaa, nduusyo a biil a ciig ake nuun na laltaa a ƥoxotax nuun no Yaal oxe, ndeɓ a den! Yoɗyo a kim a ƭomatax took xa coong axe naangna halit, yaam o Yaal oxe kaa sib too a deɓ suk ne mbuuxnooruuna.

Yeremi 6:26

O Yaal oxe a laya yee: «Nuun xeet es, nderooxyo xa saaku, mbirkiloox kam ndaw. Ñaawooxyo nen oxaa na ñaawooxaa o ƥeem o ngoor o leng kut, ƭomatoox boo nqij, yaam o yaayaq oxe xe garaa a bet a in.»

Esayi 23:8

An fosooxanu keene a Tiir fee lastoona fo ndip, ten oxe jula we a ndeeƭna gelwaar, soo jiijikax um a niw’el no lanq ke fop?

2 Sami’el 1:19

Wo Isra’el, qaaƴoor ke wo owey luuñaa took a ñaang ake wo, cambaar ke wo a yen junjang.

Yosuwe 19:29

Cinj kaaga, a pulooxa farna fa Rama fa Tiir fee refna teeru fa njegu saŋe ne, a xot farna fa Hoosa soo a saltik no maag ole Mediterane. Maxalab, Aksib,

Yeremi 48:39

Nga’yo rek ne ta maafteena! Ƭomatooxyo! Ndaw gaci na Mowaab yaam ne ta fesna ndiiñ! A refata calat fo o ndiidlataand no we mbiduuna fop.»

Yeremi 50:23

Ndi nam o leede le na adna fa muum a ɓolte, a duguñel? Ndi nam Babilon a gefte tuƈ, a refat o njaaxɗataand a ndeer qeet ke?

Heseki’el 32:23

Poy ke den owey no xooɗ-ee-xooɗ le kam gamb le na saŋkax ale, soo a yaj ake ten a mbid o kurul-keƥ a mboy ale ten. Den fop kaa ndibel, laƥ ne a maaf a den, den we oroogna diid le took lanq ke no ñoow we.

Heseki’el 32:27

A qucooxar akeene ngasaand me na salma-koor ake. A salma-koor akeene a nqaada jaaniif fo ƥonax qire’ir den, a ngakandnel laƥ den, soo pegoor den a ndoonel took xa kiiƈ den, yaam a salma-koor ake kaa ndiidlandoogu lanq ke no ñoow we.