Heseki’el 26:16 - NQAARIIT NE ROOG

¹⁶ Gelwaar we no maag ole fop xan a mbudoorit na tungul ake den, a mbol lori ke den, a ƥool toki kemeñe ke den, a may fo diid, a moof a lanq, a ngen no sendaa, a njaq no taamaala ke na ndalkang.

Heseki’el 26:16 Referans Kwoze

Heseki’el 32:10

Xam ɓek qeet mayu no jaq yaam wo, soo maad we den a ndaprapnaa yaam wo, yaa um yetinkaa laƥ ne mi mbaambir den. Xan a sendaa na waxtu fuu refna, oxuu refna a talaa o ñis um, na bes fee o yenkaa.

Yoona 3:6

Yaa o maad oxaa Niniif a nanna ke xew’ina, a inooxa no uum-maamaad le ten, a wol lori um, a deroox o saaku, a moof no ndaw, ndax ta lalit ee a ricooxa.

Hoose 11:10

«Xan a ndeefaam, mi o Yaal oxe, um bumbaa nen njogoy. Xam bumb, soo xa ƥees a inoortiid no mudand, a sendaa.

Ke bindeena no xe ne’eena YOB 8:22

Fañ of xan a may fa gaci, ƭiif ke no soxodu we a mooc.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

Esayi 3:26

Maaga, teeru fee fop xan a ndef na coytax fo na ƭomatax nen o tew oxaa ñakna fop soo a moof a lanq.

A kim a tedu ke 35:26

Fat fop we na mbelakinooxaa na taamaala fee mi a njeg gaci, a seeƈaar. Fat we inooxanaxama a sed, a naang ɓot.

Dañel 5:6

Maaga, a foora a kid, yiif um a jaq, ndet um a cuƥtoox, soo kuɓay um a nqawraa.

Heseki’el 7:8

Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.

A ƭomatax ake 2:10

Maak we Siyoŋ, o ndoog onqe, owe moofa a lanq, a naang muƥa. A yipooxa lanq no xoox, a nderoox xa saaku, soo mboƥ ndoog ne Yeerusaleem a lupandoox.

Esayi 52:2

Wo Yeerusaleem, inooxi yirfoox fo ut ole, moofatin na seek of. Wo Siyoŋ o ndoog onqe dameena mbaƭ, wokti a ceng ake no cok of.

Esayi 47:1

O Yaal oxe kaa tee: «Fudooxiidi, moof kam fo ut ole, wo Babilon o njaaƈ o ndoog onqe! Moofi a lanq, wo o ndoog onqe no Kaakalde we, yaam jegatiro uum-maamaad! No ke xotitna ndiiki xoykataandee o mosu xe mbaat o nequ xe.

A kim a tedu ke 132:18

Xam ɓek fañ we ten gaci, soo ten o mat, o ndip no maad um xan a meleƈ took xoox um.»

A kim a tedu ke 109:29

We na njambaxam xan a neewandel, gaci a muur a den nen pay.

A kim a tedu ke 109:18

Feek kaa rokoox a salax ale nen sabadoor um, a roka kam ee kam um nen foofi, a niinaa kam xa kiiƈ um nen diwliin,

A sutax ale 15:15

Maak we Edoom a njaqa, gelwaar we Mowaab a ndaprapnaa, Kaakanaan we a meeñaa.

Mbeeñil 18:9

Maad we na adna fee seeqna fo ten, a neqit no ten, xan a naang ciic a lool, a ƭomatoox yaam saax leene, yaa da nga’kaa fo suun ole no dox ole ten.

Esayi 41:5

We ngenna na pimb ake a nga’aan a paax too a ndiida, we ngenna no cat adna a sendaa rap-rap. Owe matiidaa, a ngaraa.

Yeremi 48:39

Nga’yo rek ne ta maafteena! Ƭomatooxyo! Ndaw gaci na Mowaab yaam ne ta fesna ndiiñ! A refata calat fo o ndiidlataand no we mbiduuna fop.»

Heseki’el 7:27

Xan o maad a jaañoox, o kelwaar a lipoox o ñak yaakaar, xa ƥay baadoole a sendaa. Xam rabid a den ciko den, hate’it a den ne da ngate’taa. Maaga, xan da and ee mi refu o Yaal oxe.»

Heseki’el 16:10

Ñiraaxoong piis ngemeñe, rokanong xa ñaaƭ ƭool ndinqu, laxasong sooy yelefu, soo muurong suwaa.

Heseki’el 26:21

Xam fi’ong o refat kaa na diidlandaa, too refkatiro tus. Xan o waaƭeel ndaa ga’kaandee muk. Mi o Yaal oxe na refkaa boo faw layun.»

Heseki’el 28:17

Yegaa a xoox of yaam o mosel ole wo, sooƴnit o and ole wo o ndam onqe wo. Deɓaaxoong a lanq, liilong mbaambir no maad we, ndax da mbuudang.

Safe le no tuleer AGE 2:22

Xam jiƭit a uum ake no maad we, yaq doole fee no maat ke na adna fee. Xam jiƭit a sareet-xire ke fo ŋaaŋaay den, pis ke xan a yen, ŋaaŋaay den a mbarrit laƥ.

Heseki’el 31:15

Keeke o Yaal oxe na refkaa boo faw a layu: «A koom alaa ta xaadna jaaniif, simtaam ñaawax. Muuraam juwaam fee yaam o ten, harin xa quluɓ axe, poofi maak ke a ngeennel. Niɓaannaam a Libaŋ yaam o ten, too taxar ke na koƥ ale fop a mbeera ŋayam yaam o ten.