Heseki’el 26:15 - NQAARIIT NE ROOG

¹⁵ Keeke layum a Tiir, mi o Yaal oxe na refkaa boo faw: Ndax we ngenna na pimb ake sendkee no fangax le no njom ne wo, yaa we na ƥutaa a iinaa, yaa a bar ale a jegkaa a ndeer of?

Heseki’el 26:15 Referans Kwoze

Heseki’el 27:35

Fop we ngenna na pimb ake a njaqa yaam wo. Maad we den a ndiida boo a sendaa, mukit den a seeƈaar.

Yeremi 49:21

Fangax le no njom ne den xan a tax lanq ke a yo’noox, xa buuq den a nannoox boo na Kal alaa no xeet laa.

Heseki’el 31:16

Sendnoortaam qeet ke fangax le no njom ne ten, ye fudnanuuma jaaniif fo we na mbudooxaa no gamb le na saŋkax ale. Taxar ke Edeen fop a yaale kam xooɗ-ee-xooɗ le no lanq ke, taxar ke moƴna o mos fo ke moƴna o mbaax na Libaŋ, fop ke na yeraa no poofi ke.

Heseki’el 26:18

Ndiiki koy, we ngenna na ƥeeraamb ale no maag ole owe sendaa, yaam njom ne wo, a pimb ake no maag ole a ndiid no muukandoong ne wo.›

Heseki’el 32:10

Xam ɓek qeet mayu no jaq yaam wo, soo maad we den a ndaprapnaa yaam wo, yaa um yetinkaa laƥ ne mi mbaambir den. Xan a sendaa na waxtu fuu refna, oxuu refna a talaa o ñis um, na bes fee o yenkaa.

Heseki’el 27:28

Xa buuq naqad axe no maamaag we na kaal ake wo xan a tax we ngenna na ƥeeraamb ake a sendaa.

Esayi 2:19

Ndokyo kam luf ke na xa coong axe fo kam qanq ke no lanq ke, ndax nu ƈuf katil saɗarnooxu ne no Yaal oxe, laqoox o magnel ole no ndam onqe ten, yaa ta inooxkaa, ndax ta yo’in adna fee.

Esayi 41:5

We ngenna na pimb ake a nga’aan a paax too a ndiida, we ngenna no cat adna a sendaa rap-rap. Owe matiidaa, a ngaraa.

Heseki’el 26:10

Fo ut ole no pis mayaan ke ten xan a muurong. Saŋe ke wo xan a send no fangax le no ŋaaŋaay pis we fo no le na saang ake fo no le na sareet-xire ke, yaa ta rokkaa no tokand ke wo, ne teeru faa jaɓeena a rokteel.

Heseki’el 26:21

Xam fi’ong o refat kaa na diidlandaa, too refkatiro tus. Xan o waaƭeel ndaa ga’kaandee muk. Mi o Yaal oxe na refkaa boo faw layun.»