Heseki’el 26:11 - NQAARIIT NE ROOG

¹¹ Xan a duutit ped ke wo fop xa poxos axe no pis ke ten, a warit xeet fee wo laƥ, soo a toodook ake ndefna doole of a ngaakoox a lanq.

Heseki’el 26:11 Referans Kwoze

Esayi 26:5

A maafa we ngen’ina took-ee-took, a fudin teeru fa ngoƭu took fee. A fudnaan boo a lanq, a deɓin no fo ut ole,

Esayi 5:28

A kas ake den kaa lakel, a qali ke den a ŋaaynel. Xa poxos axe no pis ke den kaa naang koŋ nen ɓil saƭku, soo a caf ake na sareet ake den a mbangoortaa nen a und.

Habakuk 1:8

Pis ke den moƴu ñof o ƴaxal, a moƴ o ƈaxooxaa a teeteem na kid-a-caɓru. Pis ŋaaye ke den kaa mbaaslooxaa, a inoortiid koƭu, a yetaa nen a canjiik alaa waaslooxanna mbuufuɗag um.

Yeremi 51:27

Yoɗyo o anddiloor o songir, ndax fop a nga’in, njibin a luuƥ a ndeer qeet ke! Mbapanyo qeet ke a Babilon, nqoy maat ne Araraat, ne Mini fo ne Askenaas, ndalin a salma-koor akaa siiknoorna fo ten! Ƥakandiidyo pis, songin nen eel tooroog.

Yeremi 43:13

Xan a gef a toodook a ƥil a tedlande ke Bet-Semes no saax le Misira, a dox pind roog ke Misira.»