Heseki’el 26:10 - NQAARIIT NE ROOG

¹⁰ Fo ut ole no pis mayaan ke ten xan a muurong. Saŋe ke wo xan a send no fangax le no ŋaaŋaay pis we fo no le na saang ake fo no le na sareet-xire ke, yaa ta rokkaa no tokand ke wo, ne teeru faa jaɓeena a rokteel.

Heseki’el 26:10 Referans Kwoze

Heseki’el 27:28

Xa buuq naqad axe no maamaag we na kaal ake wo xan a tax we ngenna na ƥeeraamb ake a sendaa.

Heseki’el 26:15

Keeke layum a Tiir, mi o Yaal oxe na refkaa boo faw: Ndax we ngenna na pimb ake sendkee no fangax le no njom ne wo, yaa we na ƥutaa a iinaa, yaa a bar ale a jegkaa a ndeer of?

Yeremi 47:3

Ɗuuɗ le na xa poxos axe no pis ke ten fo fangax le na saang ake na sareet-xire ke owe naneel. Paap ke talatee xa ƥiy den, yaam xa ƥay den kaa leeƈoox.

Heseki’el 26:7

Keeke layum, mi o Yaal oxe na refkaa boo faw: Xam ɓistiid no ɓemb-roog o janoon took Tiir a Nebukadnesaar fee o maad oxe Babilon, o maad oxe no maad we, ta yoontiid pis, a sareet-xire, ŋaaŋaay pis, faan fo a yaj a pagkatar.

Yeremi 4:13

O pañ oxe xey a garaa nen a eel o ufang, a sareet-xire ke ten a nandtaa a und, pis ke ten a moƴ o ñof a canjiik. «Sabab took in, yaam i ngefe tuƈ.»

Yosuwe 6:20

A luuƥ ake a njibne, too yaa xiixire waa a nanuuna rek, a ndalfooxa o njibin xa buuq xire. Ndak fo ndak, saŋe naa Yeriko a jiƭtooxa, Ii-isra’el we a ndok kam teeru faa, oxuu refna na den a reefit me ta jasnoor’ina soo da njaɓin.

Yosuwe 6:5

A njibnangaa a luuƥ ake boo nu nan fangax le den rek, fat fop a njibin xa buuq xire. Maaga, xan saŋe ne na teeru fee a jiƭtoox, soo oxuu refna na nuun a waag o rokit me ta jasnoorkaa.»

Yeremi 39:3

Maaga, aa-adax we no maad oxe Babilon fop a ndoka na teeru fee, a ndal no Ndokand a ndeer ne. A jeg’a maaga a Nergal-Sareseer fee adooxanna xiixire we, Samgar-Nebo, Sarsekim fee adooxanna cawdiin ke, Nergal-Sareseer fee adooxanna yaal-o-and we fo aa-adax lakas we no maad oxe Babilon fop.

Heseki’el 23:24

owe ngarantang no ɓemb-roog o janoon, a saq ƥonax, a sareet-xire fo a saang a sareet fo mbokatoor no qeet. A mbidaang o kurul-keƥ, a ƥonoox pegoor maak fo teɓ fo o maxande. Ɓoxotaam a den hate fee, too xan a ngate’tong kebil den.

Heseki’el 26:9

Xan a gom saŋe ke wo, a gaakit taax-took ke wo ƥonax qire’ir ke ten.