Heseki’el 24:9 - NQAARIIT NE ROOG

⁹ Ten taxu keeke o Yaal oxe na refkaa boo faw a layu: Sabab took teeru fa yednu fee! Mi itam xam fi baar xa cuuƭ.

Heseki’el 24:9 Referans Kwoze

Habakuk 2:12

Sabab took no xe na maxtaa teeru fo’oy, a sinjit dik fee njofaƭar!

Heseki’el 24:6

Ten taxu keeke o Yaal oxe na refkaa boo faw a layu: Sabab took teeru fa yednu fee! Kaa nandtaa a kaleera qoyu laa nqoy ke a mbaageerna o mbat. Suudi teen xa ƭeg axe, o leng o leng, fañ o banjang ne o suuditkaa a den.

Esayi 30:33

Tofet a jagande yaaga. O maad oxe a jagandane itam. Kaa yaaj soo a xooɗ, soo xa saangaan ee gañ teen fo xa cuuƭ xa pagkatar. O Yaal oxe xan a damnitin haaƭ um nen a ƈufnand fiɗel.

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Mbeeñil 16:19

Babilon, refna teeru fa maak faa a xaajooxa a qaaj a tadak, teeru ke na saax ake a yen. Neene Roog a dalfooxu o wetandoorit a Babilon fa maak fee, ndax ta yernin o mbeeƭ biiñ onqe yipna fuux sumu le ten.

Mbeeñil 16:6

Yaam kaa ƥax fo’oy le no we mbogna na Roog fo le no duleer we. Ndiiki koy cooxaa a den fo’oy fo yerel. A ndaawa a las den!»

Mbeeñil 14:20

Xa biiñ axe a nolte kam o nirir ole tafil teeru fee. Maaga, fo’oy a sutoora no nirir ole, a xay boo ngap kilomeet teemeed tadik. O qooɗel um koy a reta boo a waag o laxaaɓ pis.

Yudaa 1:7

Mbetandooxyo itam a Sodoom fa Gomoor fo teeru lakas ke mbidna a den, andoona yee kaa ndeɓoox’u no caasaay, a seeqaa nen malaaka keene. A qaw ale no fiɗel le na refkaa boo faw a dala took den. Neene a ndefata a lalgand ale cooxeena wiin we fop.

2 Tesalonik 1:8

kam fiɗel laa na miric-miricnaa. A koom kañ, ta xaw wiin we andeerna a Roog too a mbañ o nanan Yegil mbaax ne no Yaal in Yeesu.

Nahum 3:1

Sabab took teeru fa yednu fee, mayna fo naanaxir, a naag gañ fo cangale, too tame-dame um njegee hap!

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Esayi 31:9

Oxe refna ɓil den xan a god o joor yaam diid, soo aa-adax we no xiixire we ten a ndiƈatoox a laay a anddiloor ale den. Keene o Yaal oxe a layu, ten oxe fiɗel um a refna kam Siyoŋ, soo ndoxand um a ref Yeerusaleem.

Heseki’el 24:10

Fokati xa cuuƭ xa mayu, heƥand fiɗel le, juɗ a tegeƴ ake, safin a den, too fat xa kiiƈ axe a sooy.

Heseki’el 21:2

«Wo fee o ƥiy no kiin, wiƈaqilooxi farna fa ñamaak, waare took o ɓemb-roog o ñamaak! Jo’tanaam took suungaan le na koƥ ale no ɓemb-roog o ñamaak!

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.

Heseki’el 22:2

«Wo fee o ƥiy no kiin, ndax kaa hate’kiro, kaam ee ndax kaa hate’kiro teeru fa yednu fee? Andnooreen cednooxu ke ten fop!

Heseki’el 24:5

Xoti mbaal ne moƴna giñ no ged le, umb xa cuuƭ axe ɗuga a kaleera le, waƴnin boo ta waƴ, ndax xa kiiƈ axe sax a ƥel yot!