Heseki’el 24:8 - NQAARIIT NE ROOG

⁸ Xaƴaam fo’oy um took ɓil le naagna faŋ, maa ta muuritkaandeena, ndax um bilit fuux es soo fadin ndabdinax es.

Heseki’el 24:8 Referans Kwoze

Mbeeñil 18:16

a lay ee: «Sabab! Koo ndaw sabab na teeru fa maak fee! Kaa rokoox’u sooy fo daalde mosu, a yipoox wurus bo, a may fo a ƥil a cafeñu fo xa peme!

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

Mace 7:2

Ne nu ngate’taa wiin we, Roog a hate’itkaa a nuun, too xan nu eedantel eedir ke nu eedtaa.

Heseki’el 23:45

Kaa koy, goor jofu o mat na ngate’kaa a den, ne rew seeseeq a ngate’teel, ne rew we ƥaxna fo’oy a ngate’teel, yaam kaa seeqaa, too fo’oy ley na xa ƥay den.»

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

2 Caloori ke 34:25

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

2 Maad we 22:17

Feek kaa mbaasaam pelek, a ƥoxotaa cuuraay roog lakas ke, a mbuuxnoortaam a pi den fop, ten taxu fuux le mi a biltooxan o mbiñ onqene too ɓooskee.›

Esayi 26:21

yaam o Yaal oxe xey a sutooriidaa no ngenand um, ndax ta xaw we ngenna no lanq ke yaam tooñ den. Lanq ke xan a mbeeñil fo’oy le ɓaxooxna teen too singkatee we mbareena.

Heseki’el 22:4

Waree o xaw yaam fo’oy le ɓaxoona, too xoolaƭarandoortaa nitaal pangool ke fi’oona. Neene, xuufaa xa yeng of, too fadiidaa no paangandoong xa kiid of. Ten taxu mexe ɓoxotang no niwaƭarel mbaambir qeet ke fo no xaadnooxeel mbaambir a saax ake.

Sofoni 1:17

O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.