Heseki’el 24:6 - NQAARIIT NE ROOG

⁶ Ten taxu keeke o Yaal oxe na refkaa boo faw a layu: Sabab took teeru fa yednu fee! Kaa nandtaa a kaleera qoyu laa nqoy ke a mbaageerna o mbat. Suudi teen xa ƭeg axe, o leng o leng, fañ o banjang ne o suuditkaa a den.

Heseki’el 24:6 Referans Kwoze

Heseki’el 22:2

«Wo fee o ƥiy no kiin, ndax kaa hate’kiro, kaam ee ndax kaa hate’kiro teeru fa yednu fee? Andnooreen cednooxu ke ten fop!

Nahum 3:1

Sabab took teeru fa yednu fee, mayna fo naanaxir, a naag gañ fo cangale, too tame-dame um njegee hap!

Nahum 3:10

Yaag oo toox de, we ngen’ina teen a ƥise gilaa saax took o hup doole, a ndamel mbaƭ. Xa qeq axe ten kaa nduguñ’el no kooñ ke no ped ke fop. Kelfa ke ten a lasre na pexey mbanjang ne, wiin maak we ten fop a njengel.

Mise 7:2

O kiin jam oxe a mooca no saax le, o cofu jegatee a ndeer no wiin we. Wiin we fop kaa ƥeng, ndax da ƥax fo’oy, oxuu refna a fogaa o kend um.

Abjaas 1:11

Nu maad’a a koom alaa wiin jan a ndokna na xa ton-maax axe Yeerusaleem, a nqaajir we ngenna teen na pexey mbanjang ne, a ƥis a den gilaa saax took o hup doole, too nu mbog’a teen sax, nuun itam.

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

2 Maad we 24:4

fo itam fo’oy no caambuur ke ta ɓaxna boo Yeerusaleem fop a may fo fo’oy no caambuur taxu o Yaal oxe bug’ee o waasanit.

Mbeeñil 18:24

Babilon kaa xaw’el yaam fo’oy le no duleer we fo le no we mbogna na Roog fo le no we mbar’eena fop na adna fee kaa soƥel no ten.

Mbeeñil 17:6

Ga’aam ee o tew oxe kaa way’u na fo’oy le no we mbogna na Roog fo na fo’oy le no we seede’anoogna a Yeesu. Kaaga a bet’axam lool ye ga’anuuma.

Mace 23:35

No ndigil, mexe layaa a nuun ee: Xan fo’oy le no jofu we ɓaxooxna a lanq fop a yen took wiin we ndiiki. No fo’oy laa Abel o cofu xe a xotitkaa, boo no fo’oy laa no ƥiy Barakiya ne’eena Sakari, too nu mbarit’un a ndeer Mbind Roog naa fo o sadaxand olaa.»

Yoona 1:7

Maamaag we a layrooga a ndeer den ee: «Ngaryo i mbanjang, ndax i and oxe taxna i mbug o saŋkoox.» A mbanjanga, too a yena took Yoona.

Yowel 3:3

Xam lalit comlaand na asamaan fee fo took lanq ke, ta ref po’oy fo fiɗel fo fo suun olaa fi’na a eel.»

Heseki’el 24:9

Ten taxu keeke o Yaal oxe na refkaa boo faw a layu: Sabab took teeru fa yednu fee! Mi itam xam fi baar xa cuuƭ.

Heseki’el 22:12

Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 11:11

Teeru fee refkee na nuun a kaleera too nu ndefkee a tegeƴ ake. Kam o fiisel ole Isra’el sax um hate’itkaa a nuun.

Yeremi 6:29

Uuf ne a wuuɗa tigi, beteex fee a naay yaam fiɗel, ndaa o xoolandaa xaaliis kasaara yoo, yaam ndoƭ ke mbatkee muk.

2 Maad we 21:16

Manaase a ɓaxa itam fo’oy no caambuur mayu boo Yeerusaleem a may fo fo’oy, fogreerna fo pakaad ke ta bakaadnoor’ina wiin we Yudaa, ye ta fi’na kaa faaxeerna na kid no Yaal oxe.

2 Sami’el 8:2

A xawa itam Moomowaab we, a ser a den da ƭaasoox a lanq too a warnoora ɗik no daduk wuu ndefna soo a xaƴ o leng oxe ta ñoow. No kaa xotitna maaga, Moomowaab we a ƥoxotooxa na Dawid, a ndabdatan a bateer.

Yosuwe 10:22

Cinj kaaga, Yosuwe a hebla, ndax ndokand ne no luf ne a wetel, soo maad ɓetuk we no Aa-amori we a sutel, a ƥisiidel mbaambir um.

2 Maad we 24:3

O Yaal oxe o mat heblit’u keene fop a xew kam Yudaa, ndax ta deɓin maa goƭuuna. Pakaad ke Manaase a fi’’ina fop

Heseki’el 11:3

Kaa da layaa yee: ‹Refee yee taa mbaambir naa pind a maxkeel! Teeru fee refu a kaleera le, soo i ndef a tegeƴ ake.›

Heseki’el 22:3

Fat o lay ee: Keeke o Yaal oxe na refkaa boo faw a layu: Teeru fey a ɓaxaa fo’oy a ndeer um, ndax bes um a fadiid, a fi’aa nitaal pangool, ndax ta xoolaƭarandoox.

Heseki’el 24:3

Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!

A cangatin ale 23:13

Fat nu mbi o mbiñ tafil saŋe ne maa o kiin a waagna o ret tafil mbind.

Yeremi 2:22

O ɓogoorangaa ke na ran-gandaa sax oo mbaat o jiriiñoor a saafu mayu, gak le no tooñ of xan a maadaa mbaambir es. Mi o Yaal oxe na refkaa boo faw layun.