Heseki’el 24:3 - NQAARIIT NE ROOG

³ Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!

Heseki’el 24:3 Referans Kwoze

Heseki’el 17:2

«Wo fee o ƥiy no kiin, cooxti a nax-o-gut, lay we no mbind Isra’el a naxax.

Heseki’el 11:3

Kaa da layaa yee: ‹Refee yee taa mbaambir naa pind a maxkeel! Teeru fee refu a kaleera le, soo i ndef a tegeƴ ake.›

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Esayi 1:2

Asamaan, nan-gilooxi, lanq ke, mbetyo nof nuun, yaam o Yaal oxe na layaa: «Yaraam xa teɓandoong, fi a den maak, ndaa a siiknoora fa mi.

Heseki’el 24:6

Ten taxu keeke o Yaal oxe na refkaa boo faw a layu: Sabab took teeru fa yednu fee! Kaa nandtaa a kaleera qoyu laa nqoy ke a mbaageerna o mbat. Suudi teen xa ƭeg axe, o leng o leng, fañ o banjang ne o suuditkaa a den.

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Esayi 30:9

No ndigil, xeet fa nanaƭaranu yoo, a ndef xa ƥiy xa maamaaɓ, xa ƥiy axaa mbugeerna o nan-giloox a cangin ale no Yaal oxe.

Esayi 30:1

O Yaal oxe kaa tee: «Sabab took xa ƥiy axe nananeerna! Kaa da yuuɓaa too mbokatkiraam teen soo a ndalnaa kiɓoor kaa njagooreerna fo Yiif es. Neene, kaa da cokrandaa bakaad took fa ngend um.

A kim a tedu ke 78:2

Kaam bug o layit a naxax, lambin a nax-o-gut ake yaaga.

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

YEGIL MBAAX NE YEESU ne Lik a bindtuuna 8:10

Yeesu a doona a den ee: «Kaa nu ci’el o and kunpa ke no Maat ne Roog, ndaa no lakas we o mat, kaa war o fi’tel a naxax. ‹Neene, a naangangaa o ƭeetaa, nga’kee, too a naangangaa o nanaa, andkee.› »

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Mise 2:4

A koom xan nu naxoorteel, ngimaneel a kim a ƭomatax alene yee: «I ngefe tuƈ! Saax le na xeet es a cooxe lakas. A jaɓe na mi, fañ we a nqaajrandel lanq in.»

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Heseki’el 11:11

Teeru fee refkee na nuun a kaleera too nu ndefkee a tegeƴ ake. Kam o fiisel ole Isra’el sax um hate’itkaa a nuun.

Heseki’el 11:7

Ten taxu keeke o Yaal oxe na refkaa boo faw a layu: Xa tal axe nu nqaƴna kam teeru fee ndefu a tegeƴ ake soo teeru fee fa xoox um a ref a kaleera le, ndaa nuun, xan nu sutel teen.

Heseki’el 3:9

Xam fi tagid of a saƭik nen jamaa, a moƴ o saƭik ɓil. Ba o saɗar a den boog too ba o send mbaambir den, ke da ndefna ndef xeet fa mbaafañ fop oo.»

Yeremi 1:13

O Yaal oxe a laamtahinaxam jaf ɗikandeer ee: «Xar ga’o?» Um doonin ee: «A kaleera laa na waƴaa ga’um no ɓemb-roog o janoon.»

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

2 Maad we 4:38

Eliise a nomtooxiida Gilgal. A jeg’a koy biim kam saax le. Ne duleer we a ndeeƭna fo ten, a laya surga fee ten ee: «Deeni a kaleera maak ale, jawan duleer we laalaap.»

Yeremi 1:14

Maaga, o Yaal oxe a layaxam ee: «No ɓemb-roog o janoon o mat taamaala fee a biltoorkaa took no we ngenna no saax lene fop.

Esayi 29:2

boo um ɓiiklong, wo Ari’el. Ƭomatax fo xa iin rek na mbugko nanateel me wo, too xan o refat na mi nen o sadaxand es.

Heseki’el 2:2

Yaa ta layaxama naaga rek, Yiif le a rokaxam, a geennaam jiŋ, soo um nan-gilooxaa oxe layoogna fa mi.

Heseki’el 2:5

Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.