Heseki’el 24:21 - NQAARIIT NE ROOG

²¹ Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

Heseki’el 24:21 Referans Kwoze

Heseki’el 23:47

Fat faan leene a ndoom a den a ƥil, a maafit a den laƥ. Fat xa ƥiy xa koor axe den fo xa tew axe den a mbarel, pind den a ndaaɓel.

Heseki’el 23:25

Xam ɓax took of naal es. Xan a sayanong, a ƭeg o ñis of fo nof of, too we na yoqkaa na wo xan laƥ a maaf a den. Den na njangkaa xa ƥeef xa koor fo xa tew, too we na yoqkaa na wo xan fiɗel a raaɓ a den.

Yeremi 7:14

Ten taxu, Mbind nene kesaneema too nu ngoolooxin, o mbiñ onqeene ci’uuma a nuun, nuun fo daan nuun, xam fi’in ne fi’uuma a Silo.

A kim a tedu ke 27:4

Tig leng kut um xeɗaa o Yaal oxe, ta fidaam lool. Ten refu um gen kam Mbind ne no Yaal oxe no ñoow o ñis es fop, ndax um fuudaa o mosel no Yaal oxe soo waaƭan kam ngenand ne ten.

Heseki’el 24:16

«Wo fee o ƥiy no kiin, ga’angi, ndeer ñaf fo ƭeet xam watin ke yulna a kid of. Xaaraandkiro, loolkiro, too xa kooniit of yuurkee.

Yeremi 6:11

Kaam may muut fo fuux le no Yaal oxe, hatlatinum muk. O Yaal oxe a laya yee: «Ɓaxi fuux le mi boog took xa caaƈ xa tutuuñ axe no ped ke fo took teɓandoong ke fop. Goor fo rew, nogoy fo we ñaamna jamaane den, den fop xan a ƥisel.

A kim a tedu ke 84:1

O yaal a ƭat ale no jeejeek we a xoolne yee a kim alene kaa saq o jangooƭ no we ngenna Gaat, a ref a kim a tedu laa fogna na ke no Kookoora we.

Dañel 11:31

Xan a luliid xiixire da maasand o mbiñ o tedu nqe refna saŋe ne, a ñuf sadax ke ƥoxotoogeena a Roog bes fuu refna, a sip maaga Cakalaaru ke sibdeena.

Heseki’el 9:7

Maaga, a laya a den ee: «Nqoolaƭarandyo Mbind ne mi, soo mayƭand xa maax axe fo xa tal! Sutooxyo!» A sutooxa, a ndef no nqawaa kam teeru fee.

A ƭomatax ake 1:10

O pañ oxe a doona o ɓay um no kalal ke ta jeg’ina fop. Yeerusaleem a ga’a qeet lakas ke a ndokiidaa no Mbind tedu ne, qeet keene xañit’oona da mbog no mbokatax ne wo.

Yeremi 9:21

O Yaal oxe kaa tee: «Wo Yeremi, yegnitahini fa lay feeke: Xa tal axe no wiin we xan a luuñaa nen suqi faa picteena na xa qol axe, nen xa yaƥ axaa o saasaxad a xaƴna a cinj um, too o leng gisee a den.»

Esayi 65:11

Nuun we mbaasaxama koy, soo mbeecit o joong o tedu le mi, nuun we na ndoxanaa a Gaad ñaamel soo ƥoxotaa a Meni biiñ fa njaxase,

A kim a tedu ke 132:8

O Yaal oxe, inooxi. Gari no ñootnooxand of, wo fo arka ne na katil of.

A kim a tedu ke 105:4

Mbaaƭyo o Yaal oxe fa doole um, ngen no mbaaƭaa mukit um.

A kim a tedu ke 96:6

A qoolaand fo o niwel mbodun mbaambir, katil fo o ndam a ndef kam Mbind um.

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

A kim a tedu ke 74:7

A ngeƥanda Mbind tedu ne wo, a maafin, a maasand Ngenand ne wo.

A paɗax ale 26:19

Xam supit asamaan fee yoorooxna a nuun, ta nandat nen njelem boo deɓkatee, soo lanq ke a naagat koŋ, a saƭik nen xanjar, yaam a nga’aƭar o toq. Neene, xam ñuf doole fa nga’atinoor nuun.

Heseki’el 7:24

Xam ɓisiid qeet ke moƴna o ndef wiin fo’oy, ndax da njaɓ pind ke den. Xam xuuf o nga’atinax no yaal toole ke fo mbiñ fo tedu ne den a maasandel.

Heseki’el 24:20

«O Yaal oxe a daawin’axam fa lay um na xa ƭelem axene:

Heseki’el 24:22

Maaga, xan nu mbesoor ne fesoortuuma. Nu muurkee mukit nuun, nu ñaamkee puuru caapir ke no lakas we.

Heseki’el 24:25

O Yaal oxe kaa tee: «Wo fee o ƥiy no kiin o mat, a woora yee a koom alaa um suqitkaa na den ke refna doole den, o ɗaay den fo mosandoor den, ke yulna a kid den fo ke xeeñ den a yuxmaa, xa ƥiy xa koor axe fo xa tew axe den,

Heseki’el 33:28

Xam fi saax le a refat juum kefatin fo o mbiñ o mbootu, doole fa nga’atinoor um xan a fag tak, xa coong axe Isra’el a mbootat, too o leng reefkatee teen.

Hoose 9:16

Efrayim a xawe, a paƴ um a mbeer koroŋ too saqkatee xa tim. A njegangaa xa ƥiy sax oo, xam saŋik xa ƥiy axe den da mbexna.»

Malaki 2:12

Fat o Yaal oxe a suqit ndamlooxand fo ke na xoxtaa o koor oxuu fogna na Yakoob soo a fi nandu neene! Baa ta xaƴanin sax o leng oxaa na waagkaa o ɓoxotiid o Yaal oxe Hupna fop sadax!

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

A kim a tedu ke 84:3

O laaw es ole diilooxaa, a diirooxaa rok no maax ole no Mbind ne no Yaal oxe, xeeñ es fo cer es owe ƈeelanaa a Roog fa ñoow jok fee.

A ƭomatax ake 2:1

Xar oo kene? Kam fuux um o Yaal oxe a muura a Siyoŋ o ndoog onqe fo o niɓaan. A maafa junjang o ndam onqe Isra’el cuqoogna a asamaan. Ye fuux le ten a biltooxanna a Siyoŋ, wetandooxee yee ten reeƭu me ta doonaa a caf um.

A ƭomatax ake 2:21

Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.