Heseki’el 24:16 - NQAARIIT NE ROOG

¹⁶ «Wo fee o ƥiy no kiin, ga’angi, ndeer ñaf fo ƭeet xam watin ke yulna a kid of. Xaaraandkiro, loolkiro, too xa kooniit of yuurkee.

Heseki’el 24:16 Referans Kwoze

Yeremi 22:10

«Ba nu lool o maad Yosiya xe xonna, ba nu ƭomatooxin! Loolyo kañ o maad Saalum oxe ɓiseena, yaam nomtooxiidkatee muk, ga’katee saax o rimel um.»

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

1 Tesalonik 4:13

Fog we, i mbuga o andnoor a nuun kaa farna no we nqonna, yaam ndik nu naqadilooxaa nen lakas we njegeerna yaakaar.

Heseki’el 24:18

Layaam fa xeet fee no nqes ne, soo o tees a ñak no kirand ne. No feet nqes olaa, fi’aam ke o Yaal oxe a hebil’axama.

A kim ale na kim ake 7:10

soo o don of a felit nen biiñ fa mbelu faa na siidaa no muuceek fo na ñiiñ.

A ƭomatax ake 2:18

Saŋe ne Siyoŋ, falalooxi farna fo o Yaal oxe! Fat xa kooniit of a nqaar nen a ƈufnand ñaal fo o yeng! Ba o ɓutnoox sen, too ba a kid of a mbeer!

Yeremi 16:5

O Yaal oxe a layahinaxam ee: «Ba o rok no mbind naa na nqaaraandaa, ba o maad a mboy, ba o jaap o leng, yaam suqtaam na xeet fene nqaariit es, o paaxel es fa yirmande es. Mi o Yaal oxe layun.

Yeremi 9:18

Yaam o ñuxur ƭomatax a nannoorta Siyoŋ ee: «Cey, i ngefe tuƈ! I njega gaci fa ƭomu, yaam i mbara o nqaƴ saax le, kenand ke in a mbaytel.»

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Xa peƭit axe 5:19

o gaay ole fexoona, mbat ne feloonga. Fat ƭeen ke ten a mbaynoorang kili, o bugin boo yarawooxaa, fañ o waas.

Ke bindeena no xe ne’eena YOB 36:18

Ngela baa fuux a ɓekong no xaadnoox a Roog, too baa o magnel ole no ndabid a pi of a ɗapnoorong.

Yeremi 22:18

Ten taxu keeke o Yaal oxe a layu na Yoyakim fee o ƥiy Yosiya, too a ref o maad Yudaa: «Foygooxkaand ee: ‹Ndaw sabab, o koor es! Ndaw sabab, o cigeen es!› Foygooxkaand ee: ‹Ndaw sabab, o yaal es! Ndaw sabab, daali maad!›

Ke bindeena no xe ne’eena YOB 23:2

Jeemaam o migin xa iin es, ndaa ɗaxee dara, ndiiki ƭomatax es a moƴu o jeg doole.

Heseki’el 24:15

O Yaal oxe a daawnaxam fa lay um na xa ƭelem axene:

A paɗax ale 21:4

O saasadax o aa-adax a refu na carind um. Waree boog o xoolaƭarand a xoox um, yaam yaaga ta niwaƭarel.