Heseki’el 24:13 - NQAARIIT NE ROOG

¹³ Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 24:13 Referans Kwoze

Heseki’el 22:24

«Wo fee o ƥiy no kiin, layi a Yeerusaleem ee kaa ref lanq kaa nqoolandaandeena, nquƥandtaand a teƥ a koom alaa fo fuux le.

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

2 Korint 7:1

Nuun we fexuuma, tegit keene fop, in njegu a den. Ten taxu, fat i ƥogoox no fop ke na roɗgandaa cer in fo a yiif in. Fat i mbaaƭ o tedel, yaa i ñoowaa no fit a Roog.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Heseki’el 16:42

Xam ɓoosdand fuux es took of, too xan naal es a goƭong. Xam ɓoos, fuuxkatiim.

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Mbeeñil 22:11

Fat o paaxaƭaru xe a gen no fi’aa paaxeer, o qoolaƭaru xe a gen no fi’aa qooleer. Kaam ee fat o cofu xe a gen no fi’aa cofu, o tedu xe a gen no ñoowaa kam o tedel.»

Sofoni 3:7

Kaam layoogu taa kam es ee: ‹Ndiiki koy, Yeerusaleem xan a saɗaraam, a ƭat um a yong na xa soqanqol es. Yaaga ngenand um yaqkaand, too fadinkiim ke hebooxananuuma fop.› Kaa koy, kaa ñof o njimboox na pi a paaxeer a ƥor.

Hoose 7:1

wodand a Isra’el, tooñ ne Efrayim fo a pi a paaxeer ake Samari xan a mbeej. Kaa da maaɓaa, guuɗ we a ndokaa no pind ke, soo a yaj no yaayaq a pasaroor tafil.

Heseki’el 24:11

Cinj kaaga, deeni a kaleera ƥor ale took a kaagaañ ake, ndax ta sum jip, xanjar fee a yaxig coy, ndoƭ ke ten a nqool qac, nqoy ke a ƥooroox.

Yeremi 31:18

Nanaam a paax we Efrayim da ƭomatooxaa yee: «Yaraa a in, too i yarte nen o xeel o sufaru. Nomtiidi a in me wo, too xan i nomtooxiid me wo, yaam wo refu o Yaal oxe Roog in.

Esayi 22:14

O Yaal oxe Hupna fop a yegnaxam ee tooñ neeke, nu mbaasankaand o ten muk boo yaa nu nqonkaa. Keene o Yaal oxe na refkaa boo faw Hupna fop a layu.

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»

Sakari 6:8

A xoyaxam soo a layaam ee: «Ga’angi, we sagna no saax le no ɓemb-roog o janoon xan a mbi boo Yiif es a jalaa maaga.»

A paɗax ale 13:55

Fat o saasadax oxe a ɗeet a quur ale a cinj yaa ta ɓogdeena. Boo a quur ale a suptooxeerna too ɓaatooxee, yaaga ndikoorik ne a xoolaƭara. Ta ref ee a quur ale kam a gartu mbaat tafil, fat a doxel.

A paɗax ale 14:43

Boo andoona yee naawoos le a dakooxa o feeñ na ndok ale a cinj yaa a kac ake a mbatneena, a ndok ale a xoosel soo a laaratinel,

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

A ƭomatax ake 5:22

Ndi toox kaa o deɓkaa a in boo xoo, fuuxan a in boo ta hup?

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.