Yaam xam geleerooxan teeru feene, refee koy ndax um muclin ndaa ndax um moocandin. Xan a ɓoxotel na xa ƥay no maad oxe Babilon na raaɓitkan fiɗel. Mi o Yaal oxe layun.»
Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.
Kaa koy, o fañangaa o ɓoxotoox no kelfa ke no maad oxe Babilon, teeru fene xan a ɓoxotel na xa ƥay no Kaakalde we na ndaaɓkan, too wo ɓostooxkiro na xa ƥay den.› »
Nu nqawangaa sax xiixire we no Kaakalde we fop na nqire’aa fa nuun bo ta yoq na den goor waa ndibeena soom, xan a inooxatin, oxuu refna no ƭiif um, soo a ndaaɓ teeru fene.»
Kaakalde we na songaa teeru fene xan a ndok teen, a ngeƥandin. Xan a ndoxin riw, ten fo pind ke Baal a doxantoogeena cuuraay na xa tung-took axe den, soo roog lakas ke a njuuranteel teen, ndax um fuuxnoorel.
Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.