Heseki’el 23:9 - NQAARIIT NE ROOG

⁹ Ten taxu ɓoxotaanum na xa ƥay na xa pes um, na xa ƥay no Aa-asuur we ta yuxum’ina.

Heseki’el 23:9 Referans Kwoze

Hoose 11:5

Nomtooxkeeyo no saax laa Misira, ndaa Asuur xan a maadoox took den, yaam kaa da mbañ o nomtooxiid me mi.

2 Maad we 17:23

boo neen o Yaal oxe a deɓu a den maa goƭuuna, ne ta layit’uuna a reefandin no duleer we dag um. Neene, took o hup doole Ii-isra’el we a ƥise Asuur maa goƭna saax den, too maaga a maadu boo no ñaal roog ne xaye.

2 Maad we 15:29

Na jamaane Peqah fee o maad Isra’el, Tiglat-Pileseer fee o maad oxe Asuur a gara, a jaɓ teeru fee Iyon, Abel-Bet-Maaka, Yanowah, Qedes, Hasoor, o jegel ole Galaad, ole Galile fo saax le Neftali fop. A ɓisa took a hup doole we ngen’ina meene fop kam Asuur.

Mbeeñil 17:16

Xa can xarɓaxay axe fa Ɓaanoor fee ga’oona, xan a sib a caga le, a nguytin, a nqaƴin o ƥor. Cinj kaaga, xan a sanqin, soo ke na yoqkaa no cer um da ndoxin na fiɗel bo tee riw.

1 Caloori ke 5:26

Roog fee Isra’el a riña a Pul fee na xoyeel a xoy Tiglat-Pileseer fee o maad oxe Asuur, ta song xa piisel axe na carind ale Ruben fo ale Gaad fa genwal a carind ale Manaase. A ɓisa a den took o hup doole Halah, Haboor, Hara fo paam o xuluɓ olaa Gosaan, too a maada maaga boo no ñaal roog ne xaye.

Yeremi 4:30

Kaa koy, wo Yeerusaleem fee bayteena, xar o fi’kaa? Kaa o rokooxaa tikoorik taalde’u, heloortaa kumooxel wurus, tusngul a kid of. Kaa o mosandooxaa na dara. Xa pes axe wo kaa sibatong, o mbarong doŋ a mbugu.

Heseki’el 16:37

ten taxu, mexey fokataa xa pes axe wo fop ŋastoogoona, fop we bugrit’oona fo fop we sib’oona. Xam fokatit a den muu refna, da siiknoor fa wo. Xam lal a den cer ƥor of, too xan a nga cer ƥor of fop.

Heseki’el 23:18

A weejla njaga um, a hulit cer ƥor um, too a wataxam xus, ne o maag um a watit’axama.

Heseki’el 23:22

Ten taxu, wo Oholiba, keeke o Yaal oxe na refkaa boo faw a layu: Ga’angi, xam fi boo xa pes axe wo mbat’oonga xus a yen took of, um ɓistiid a den muu refna took of.

Yeremi 3:8

Ke raxuuma rax a Isra’el fa ngore’aƭaru fee fop oo yaam ceeq ke ten soo cooxin a kayit a pinde laa lalitna yee waasaanum, ga’aam ee o pog um o tew Yudaa fa ngoohod fee saɗaree keene too a jaga’ka ten itam.