Heseki’el 23:5 - NQAARIIT NE ROOG

⁵ Ohola a jaga’a ke jeg’anuuma fop oo. A yuxum ake na xa pes axe ten a ƥislooxaan, ndefna Aa-asuur we gentand um,

Heseki’el 23:5 Referans Kwoze

Hoose 5:13

Efrayim a ga’a jir um, Yudaa a ga uut um. Efrayim a reta Asuur soo a lul wiin maa no maad o maak oxaaga, ndaa o maad oxeene waagkee o wodand a nuun mbaat ta jeg teex naa malna uut le nuun.

2 Maad we 17:3

Salmanasaar fee o maad oxe Asuur a gara, a songin, soo Hoose a ɓoxotoox no ten, a rabdatan a bateer.

2 Maad we 16:7

Ahas a dalfooxa o lul wiin maa Tiglat-Pileseer fee o maad oxe Asuur ee: «Kaam ref o tag of fo nen o ƥeef. Gari muclaam na xa ƥay no maad oxe Araam fo o maad oxe Isra’el songiidaxama.»

2 Maad we 15:19

Tiglat-Pileseer fee o maad oxe Asuur a roka no fiisel ole Isra’el. Maaga, Menahem a cooxaan ngap parig teemeed tadik fo parig qarɓeen nahik xaaliis fa nqoolu, ndax oxeene a dimle’in bo ta saƭkand maat um.

Heseki’el 16:28

Jaga’aa fo Aa-asuur we, yaam deyƭooxiro. Jaga’aa fa den too taxee o deyƭoox muk.

Yeremi 50:38

Fat o feñ a yen took poofi ke ten, da ŋiis, yaam saax nitaal roog cakalaaru a refu, da sayaa no pooƴ keene.

Hoose 12:1

O Yaal oxe kaa tee: «Efrayim kaa widaam fo xa maaƥ, mbind Isra’el a ndeeraam fo naanaxir ƥor, Yudaa a maad o siiknooraa fa mi, mi fee o Tedu xe gore’na.

Hoose 10:6

Xan a ɓisel Asuur, ndax ta ref ɗang no maad o maak oxe. Xan gaci a dam a Efrayim, Isra’el a sed ɓot no yuuƥ ke ten.

Heseki’el 23:20

Maaga, a yuxma we na njaga’aa, cer den a ndefna nen cer xa paam, da ngalde nen naar-koor.»

Heseki’el 23:16

a yuxma a den ye ta ferna o ga a den soo a lulit a den wiin, maaga Kalde.

Heseki’el 23:12

A yuxum a ndamaan no Aa-asuur we, gofornoor fo kelfa, gentand we ten, ndokooxna boo njegee sik, ŋaaŋaay waa ŋaayna pis, fop a ndef xa pes soo a yaawnoox.

Heseki’el 23:9

Ten taxu ɓoxotaanum na xa ƥay na xa pes um, na xa ƥay no Aa-asuur we ta yuxum’ina.

Heseki’el 23:7

Den a fartu, den a kag ake no Aa-asuur we. Kaa ɗofoogu, yaam a yuxum a den, too a xoolaƭarandta a xoox um pangool ke den.

Heseki’el 16:37

ten taxu, mexey fokataa xa pes axe wo fop ŋastoogoona, fop we bugrit’oona fo fop we sib’oona. Xam fokatit a den muu refna, da siiknoor fa wo. Xam lal a den cer ƥor of, too xan a nga cer ƥor of fop.

1 Maad we 21:26

A fi’a cednooxu, a hiɓoor fo pangool ke, ne Aa-amori we a mbi’it’uuna, den we o Yaal oxe a rax’ina mbaambir Ii-isra’el we.

1 Maad we 15:30

Keene fop koy o ngar fa bakaad fee Yerobowam a fi’’ina soo a fi’noorin Ii-isra’el we yoo. Kaa fuuxnoor’u o Yaal oxe Roog fee Isra’el.

1 Maad we 15:26

A fi’a kaa faaxeerna na kid no Yaal oxe, a reef o jaf faap um fee riñ’ina xeet fee no mbakaadaa. A fi’a pakaad leng kut ke faap um a fi’’ina.

1 Maad we 14:16

Xan o Yaal oxe a deɓ xeet fee Isra’el, yaam ne Yerobowam a bakaadna soo a bakaadnoor a den.› »

1 Maad we 14:9

No we adooxoonga fop, wo moƴu o faaxaƭar teen a pesoorooƭ. Kaa o ret fi’an a xoox of roog lakas fo nitaal celem cawe, ndax o fuuxnooraam. Kaa o naagaam fir deɓaam.

Heseki’el 23:4

Taaw fee Ohola a ne’e, o ndeɓ um a ne’el Oholiba. Mi jeg’u a den. A ndima xa ƥiy xa koor fo xa tew. Ohola refu Samari, soo Oholiba a ref Yeerusaleem.