Heseki’el 23:41 - NQAARIIT NE ROOG

⁴¹ Moofaa no njong mosu naa a taabul a sipeena mbaambir um, soo diƈ ten cuuraay fee mi fa diwliin fee mi.

Heseki’el 23:41 Referans Kwoze

Esteer 1:6

Coor tan fo kaa nqiiyiiyna a letnit’e gaare fo xa ƥaak xa taalde’u xaa yuuɓeena na xa keɗ xaaliis axaa lokeena na ƥiiɓit marbar. Cong ñaamtel kaa mbi’teena wurus fa xaaliis a sip’e no maax ole dungit’eena a ƥil a cafeñu a ne’e emerod fa marbar fo kaa na nandtaa xa peme fa marbar fa ƥaal.

Amos 6:4

Kaa nu ndeɓaa o ndalaq no cong mosandte a ñiiñ fa ñiig, a kakandax a ndeer a nuun, nu yablooraa a suk a neeru fo a tegeƴ ƥuj kude.

Heseki’el 44:16

Weene xan a ndok no Mbind ne mi, a matiid a taabul ale mi, ndax da njalanaam, too xan a topatoox calel es.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

Esayi 65:11

Nuun we mbaasaxama koy, soo mbeecit o joong o tedu le mi, nuun we na ndoxanaa a Gaad ñaamel soo ƥoxotaa a Meni biiñ fa njaxase,

Esayi 57:7

Sipaa njong of took o joong o jiig, maaga o ŋaayaa, ndax o ɓoxot sadax.

Malaki 1:7

Ten refu yee kaa nu ƥoxotaa ñaamel qoolaƭaru no sadaxand ole mi. Kaa nu laamtahinaxam ee: «O Yaal oxe, na xar i nqoolaƭarandtang?» Ten refu, yaa nu nqalaataa yee o sadaxand ole mi, mi o Yaal oxe jaree niwel.

Amos 2:8

Mbaambir o sadaxand oluu refna pay tayle’te soom a ƭaapaa, a yertaa biiñ fee da suqtitna no we saqanna a den o lad me da njuurooraa.

1 Sami’el 28:23

Sawul a faña faƥit ee ñaamkee, ndaa dag we ten fo o tew oxe a mbañaan o mbaas boo ta mujat o jaɓ. A inooxa a lanq, a moof took njong ne.

Heseki’el 41:22

O sadaxand ole a teex a fi’it’e, geel um a ref xa noonoong xa tadaq soo o cigdel ole a fi xa noonoong xa ƭaq. Kooñ ke ten, tiƈir ke ten fo xa saax axe ten, a teex a ndeeƭu. O koor oxe a layaxam ee: «A taabul ale refna mbaambir no Yaal oxe yoo.»

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.