Heseki’el 23:3 - NQAARIIT NE ROOG

³ A njaga’a Misira ye da ndefaa xa teɓandoong. Ƭeen den a naƥne maaga, kang den a moosel maaga.

Heseki’el 23:3 Referans Kwoze

A paɗax ale 17:7

Neene, Ii-isra’el we ƥoxotkatee sadax roog tefee ndigil ke da sipna mbaambir den, da nandtaa a suk, ndaa xan a ndamooxat na mi ne o tew o kore’u a damoortaa no kor um. Keene xan a ref na den fo na xa taan den kebil ñufkeer muk.

Heseki’el 16:22

Kam ee kam cednooxu ke wo fop fo njaga of, wetandooxiro jamaane fee no ndeƥandoong of, ye yoqoona o ƥor, naag ƭuc soo luuñaa kam fo’oy of.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

Hoose 2:15

Xam inooxanin yaam ñaal ke ta cuuraayoogna a Baaliin, a mosandoortaa xa keɗ um fo ceq um. Kaa reefoogu xa pes um, soo mi o mat, ta weecaam. Mi o Yaal oxe layun.

Heseki’el 23:21

«Wetandooxaa o njombe nqe no ndeƥandoong of, ye Miimisira we a moosaa ngang of soo a naƥnaa ƭeen yenafuleer ke wo.

Heseki’el 23:19

A mayƭanda njaga um, yaa ta wetandooxaa jamaane fee no ndeƥandoong um, ye ta jaga’oogna no saax laa Misira.

Heseki’el 23:8

Waasee njaga ne ten yaaga no saax laa Misira, yaam a mbondoox’a fo ten no ndeƥandoong um, a naƥin ƭeen um no ndoog um soo a ƥekin no njaga.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

A cangatin ale 29:16

Nu nga’a pangool cakalaaru ke den mbi’teena a teex fo a ƥil, xaaliis fa wurus.

Mbeeñil 11:8

Maaga, xan xa tal den a liilel no nqel naa na teeru fa maak faa, maa o Yaal den a reng’eena. Teeru feene gon le Sodoom fa Misira a naxoorte.

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

Heseki’el 23:4

Taaw fee Ohola a ne’e, o ndeɓ um a ne’el Oholiba. Mi jeg’u a den. A ndima xa ƥiy xa koor fo xa tew. Ohola refu Samari, soo Oholiba a ref Yeerusaleem.

Heseki’el 23:43

Maaga, layaam no kaa jofna no xe ceeq ne a ŋeesna yee: Njaga ne ten taxu ceeq ne yee gañ, o ten o mat oo.

Hoose 1:2

Keeke refu mberaandoong ne no ke o Yaal oxe a layna a reefandin na Hoose. A laya a Hoose yee: «Reti o dolnir fo a caga, too fat o jaɓ xa ƥiy axe ta jegkaa a ndef xa ƥeef, yaam saax le a mbaasaxam, mi o Yaal oxe, a mbaɗooxaa roog lakas nen o tew o tamooxeer.»

Heseki’el 16:15

«Kaa koy, kaa o hooloox o mosel of, too o jeg gon of a ɓekaang no njaga, soo o jimboox no ceeq ye refanoona o tak-a-faaf oxuu refna.

Heseki’el 20:7

Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

Heseki’el 23:34

Xan o yerin boo ɓuus nqiim ke, duguñin xa ƥek xa ƥek, soo xucit a den ƭeen ke wo, yaam mi layun, mi o Yaal oxe na refkaa boo faw.