Heseki’el 22:9 - NQAARIIT NE ROOG

⁹ A jega me wo jaajamb, ndax da ƥax fo’oy. Ñaamel ke ƥoxoteena pangool ke na ñaameel me wo, fo njombe a mbi’eel a ndeer of.

Heseki’el 22:9 Referans Kwoze

Hoose 4:14

Jambkiim xa ƥiy xa tew axe nuun yaam ne da njaga’aa mbaat seemir we nuun yaam ne da seeqaa, yaam goor we fa qoox den na mbootkaa fo a caga ke, a sadaxtaa fo rew we kesaneena njaga ne nu ƭeetaa nen tedu, ne o feƭit oleeke a laytuuna yee: ‹Xeet fee jegeerna o and kaa mo.›

Hoose 4:10

Xan a ñaamaa too ngiñkee, a njaga’aa, ndax da njeg xa ƥiy, ndaa taxkee da njeg. Keene fop xan a dal a den, yaam kaa mbañaam o niw, mi o Yaal oxe.

Hoose 4:2

Lakas refee teen kaa jolna a kaañ fo ƈiƴtir, barir fo kuuƭ, ceeq fo a ƭom-yedar fo boom took boom.

A paɗax ale 19:16

Ba nu ñu oxe nu mbogitna xeet. Ba nu njamb o kend nuun tefee ndigil kaa waaguuna o warnoor. Mi refu o Yaal oxe.

Heseki’el 18:11

too faap um o mat fi’ee dara no keene fop. Boo o ƥiy onqeene a ñaamaa ñaamel ke ƥoxoteena pangool ke, a rok no tew no kend um,

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

A pi ake 24:13

Owey, ndaa ndiiki koy mbaagirang o mboorin ke da njambaxam.

A pi ake 24:5

I anda yee oxene, o kiin taamaala tigi yoo. Kaa ɓisiidaa yaqoor a ndeer no Yaawuur we kam adna fee fop, too ten refu o aa-adax oxe na qaaj ale no Naanasaret we.

Mace 26:59

Saasadax maak we fo Mal maak ne fop kaa mbaaƭanoogu a Yeesu a nox, ndax da mbarin.

Hoose 7:4

Den fop kaa seeqaa, a nandtaa njuɗand puuru naa o cuujuɗ oxe a heƥandna. Soxla’atee o wuuɗaa fiɗel le, yaa ta jaxasna nqiiw ne boo yaa ta foɗaxna.

Hoose 6:9

A yaj ale no saasadax we kaa nand fo saasaay kaa na ƥeedaa o kiin. Kaa mbaraa wiin we na ƭat ale Sikeem, ta ref tig cednooxu.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 18:15

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um,

Yeremi 9:4

Oxuu refna kaa naxaa o kend um, too naagee o layaa ndigil. Kaa merand ɗelem den xa maaƥ, a mbi a mbi paaxeer boo a naang cat.

Yeremi 6:28

Den fop faafañ saƭku a qoox a ndefu, a ñu’aa lakas we, a saƭik koŋ nen xanjar mbaat njelem, a ndef den fop fiifi paaxeer.

Xa peƭit axe 26:22

Fa lay fa yaayaq ƭool kaa xoƴig, a rokaa boo kam laaw ke.

Xa peƭit axe 18:8

Fa lay fa yaayaq ƭool kaa xoƴig, a rokaa boo kam laaw ke.

Xa peƭit axe 10:18

Oxe na fofaa o njaaku kam o maamaaɓ oo, oxe na yaqaa ƭool no lakas a fanxoy.

A kim a tedu ke 106:28

A ndefa no mbaɗooxaa a Baal-Pe’oor, a ñaamaa sadax ke ƥoxoteena roog ñooweer ke.

A kim a tedu ke 101:5

Oxuu na ñu’aa o kend um, xam saŋkin. Jaɓkiim muk oxe na ɗeettaa nga’yaamoo, oxe magnandooxna no xeeñ um.

A kim a tedu ke 50:20

Muu moofoona, o ñu’aa o pog of, fuulnaa ƭool no xe fogtoona yaay fa leng.

Haahate we 20:6

Jangaam o tees, ɗegin teɓ-reɓ, lulit a den na carind ake Isra’el fop, yaam boom le fo o fanxoy ole we Gibe’a a mbi’na kam Isra’el.

A sutax ale 23:1

«Ba o leng na nuun a feranaa o kend um mbaat ta fartaa oxaa fi’na boom, a seede’anan na xa maaƥ.

A sutax ale 20:16

Seede’ankiro o kend of na xa maaƥ.

Heseki’el 11:6

A bar ale nuun kaa ɓaatooxaa kam teeru fee, nu mayƭandit ped ke ten xa tal.

Heseki’el 23:29

Xan a mbesoor fa wo fo fuux, a njang ke jale of a watna fop, a nqaƴong o ƥor, o yoq ƭuc, a nguyit gaci fee no njaga of. Fo njombe ne wo fo njaga ne wo

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

1 Sami’el 24:10

Cinj kaaga, Dawid a laamtaan ee: «Wo daali maad, xar taxu o nan-gilooxaa we na layang ee: ‹Dawid paaxeer rek a heñya’ong›?