Heseki’el 22:7 - NQAARIIT NE ROOG

⁷ Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Heseki’el 22:7 Referans Kwoze

A cangatin ale 27:16

‹Oxuu niwaƭarna a faap um mbaat a ya um a halakooxa!› Fat xeet fee fop a ndoon ee: ‹Amiini!›

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.

Yeremi 7:6

mbañ o toroxand o gataakoon ole, o waan ole mbaat o ñaaw oxe, mbañ o ƥax no mbiñ onqene fo’oy no xe fi’eerna cageer soo mbañ o ngiɓoor fo roog can, ndik nu qic taamaala took nuun,

A paɗax ale 20:9

Boo o kiin na nuun a salooxna a faap um mbaat a ya um, fat a warel. Ten warnooru a xoox um, yaam ne ta salooxna a faap um mbaat a ya um.

Mark 7:10

Moyiis kaa lay ee: ‹Niwi a faap of fa ya of›, a lay itam ee: ‹Oxuu salooxna a faap um mbaat a ya um kaa warel o war.›

Heseki’el 22:29

Wiin we no saax le kaa mbi’aa a ƭom-yedar, a nguuɗaa, a toroxandaa o ndool onqe fo o toroxu xe, a ñagadilaa o gataakoon ole, a njiriiñooraa haq um.

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Xa peƭit axe 30:17

Oxe na xaadnooxaa a faap um, a saganit o nanan ole helna a ya um, a tooq ake na ƈufnand ake xan a yul a kid um, soo xa ñeek axe na canjiik ale a listir a den.

Xa peƭit axe 30:11

Sabab took no we na salooxaa paap den, too ngidimkee ya ke den.

Xa peƭit axe 20:20

Oxe na salooxaa a faap um fa ya um, xan o ñoow um a nuk nen o lampa ñufu ndeer o niɓaan.

A cangatin ale 27:19

‹Oxuu ɗapna hate took a bug o maaf o gataakoon mbaat o waan mbaat o ñaaw a halakooxa!› Fat xeet fee fop a ndoon ee: ‹Amiini!›

A cangatin ale 5:16

Niwi a faap of fa ya of, ne heblitoonga o ten, ndax o xuuɗ too ɗaay kam saax le um ci’kang, mi o Yaal oxe Roog of.

A sutax ale 21:17

Oxuu salooxna a faap um mbaat a ya um, kaa warel o war.»

A sutax ale 20:12

Niwi a faap of fa ya of, ndax o xuuɗ kam saax le um ci’kang, mi o Yaal oxe Roog of.

A sutax ale 23:9

Ba nu ñagadilaa xa kataakoon axe. Nu anda a paax a qalaat den, yaam nuun fa qoox nuun nu ndeeƭa xa kataakoon no saax laa Misira.»

A cangatin ale 24:17

«Ba nu ƭap yaa fa hate took o mbug o maaf o gataakoon mbaat o waan. Ba nu njang ñirax no ñaaw nen ngaasnit.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Heseki’el 22:25

Duleer we ten kaa ngukraa a ndeer um nen njogoy naa na ŋuuraa, a listaa mbuufuɗag um. Kaa da listaa wiin we, a njaɓaa kalal ke fo tig oo tig ke njegna o njiriiñ. A mayƭanda teen ñaaw we.

A kim a tedu ke 94:5

O Yaal oxe, kaa da ñagadilaa xeet of, a ñaatlandaa we jegoona.

A kim a tedu ke 94:6

Kaa mbaraa o ñaaw oxe fo o gataakon ole, a njangaa o ñis no waan ole

Esayi 1:17

Aqatooxyo a pi a paax, naaɓ o cofel, ci a caf oxe na ñagadileel, ƥoxot o waan ole ke refna wargal um, soo o ñaaw oxe, nu mbartin.»