Heseki’el 22:6 - NQAARIIT NE ROOG

⁶ Gelwaar we Isra’el owey: Oxuu refna kaa laltaa doole um me wo, ndax ta ɓax fo’oy.

Heseki’el 22:6 Referans Kwoze

Heseki’el 22:27

Gelwaar we ten kaa ndef kam um nen a teeteem akaa na listaa mbuufuɗag den. Kaa ƥaxaa fo’oy, a mo’andaa xa laaw axe, ndax da njegit halal no qooleer.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Sakari 3:3

Yosuwe kaa geenoox’u mbaambir malaaka fee, a rokoox tikoorik toɗgu.

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Dañel 9:8

O Yaal oxe, seeƈaar in a jaga fa in, in fo maad we in fo kelfa ke in fo daan we in, yaam kaa i tooñong.

Yeremi 32:32

yaam paaxeer ke Ii-isra’el we fo Yuuyudaa we a mbi’na fop, ndax da paang kam es, den fo maad den, kelfa den, saasadax den, duleer den, goor we Yudaa fo we ngenna Yeerusaleem.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

Nehemi 9:34

Maad in fo kelfa in, saasadax in fo daan in ndeefee a cangin of too nan-gilooxee kebil of fo a maƭax ake maƭooxoogoona a den.

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Heseki’el 22:3

Fat o lay ee: Keeke o Yaal oxe na refkaa boo faw a layu: Teeru fey a ɓaxaa fo’oy a ndeer um, ndax bes um a fadiid, a fi’aa nitaal pangool, ndax ta xoolaƭarandoox.

Xa peƭit axe 30:14

Sabab took no we a ñiiñ den a ndefna laƥ, a kaaɓaaɓ den a ndef capil, da listaa toroxu we no lanq ke, a moocand rool we a ndeer no wiin we.»

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Heseki’el 45:8

Neene, gelwaar we xan a njeg lanq a qoox den kam Isra’el. Gelwaar we mi ñaatlandkatee xeet es. Xan a nqaƴan a carind ake Isra’el ke yoqna no saax le.»

Sofoni 3:3

Kelfa ke ten kaa ndef cogoy kaa na mbumbaa, haahate we ten a ndef a teeteem o yeng akaa ngeekankeerna o feet tus.

Sofoni 3:4

Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.