Heseki’el 22:4 - NQAARIIT NE ROOG

⁴ Waree o xaw yaam fo’oy le ɓaxoona, too xoolaƭarandoortaa nitaal pangool ke fi’oona. Neene, xuufaa xa yeng of, too fadiidaa no paangandoong xa kiid of. Ten taxu mexe ɓoxotang no niwaƭarel mbaambir qeet ke fo no xaadnooxeel mbaambir a saax ake.

Heseki’el 22:4 Referans Kwoze

2 Maad we 21:16

Manaase a ɓaxa itam fo’oy no caambuur mayu boo Yeerusaleem a may fo fo’oy, fogreerna fo pakaad ke ta bakaadnoor’ina wiin we Yudaa, ye ta fi’na kaa faaxeerna na kid no Yaal oxe.

Heseki’el 22:2

«Wo fee o ƥiy no kiin, ndax kaa hate’kiro, kaam ee ndax kaa hate’kiro teeru fa yednu fee? Andnooreen cednooxu ke ten fop!

Heseki’el 16:57

yaaga kañaan of huytafulaand. Ndiiki koy, wo yoqte no niwaƭarel ole roog we Edoom fo fop we mbiduuna a ndoonkang, den fo roog we no Fiifilista we siboonga me widoonga fop.

1 Tesalonik 2:16

Kaa ndikaand a in, ndax i mbaagkee o mbaare we ndefeerna Yaawuur boo da njeg a muc ale. Keene koy, mayƭandu eedir ke saqna pakaad ke da mosna o mbi. Ten taxu a qaw ale Roog a dalat took den boo faw.

Dañel 9:16

O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.

Heseki’el 21:28

We ngenna Yeerusaleem kaa nga’itkan doŋ nen ƭeet maamaaɓ, yaam ne da mboorniteena a taaƥ. Kaa koy, o maad oxe Babilon xan a wetand a den boom den, ndax da naangel nuus.

Yeremi 44:8

A pi nuun kaa mbuuxnooraam! Kaa nu ndoxanaa cuuraay roog can ke no saax le Misira, me nu laqooxiidna, ndax nu mbañooxaa, ndef saloor fo niwaƭarel a ndeer qeet ke no lanq ke fop.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Yeremi 18:16

Neene, a ƥeka saax le den no tas fo no calat boo kili. Fop we na ƥeeraa teen a njaaxɗa, a mbulaa a qoox.

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.

2 Caloori ke 7:20

yaaga, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc, fi’in naxoor fo calat a ndeer qeet ke fop.

1 Maad we 9:7

yaaga nuun Ii-isra’el we, xam sutit a nuun no fiisel ole ci’uuma a nuun, Mbind ne kesanuuma gon es, um naagin buc. Neene, Isra’el xan a ref naxoor fo calat a ndeer qeet ke fop.

A cangatin ale 29:24

Xan a ndoonel ee: ‹Ke taxuuna refu yee kaa ndeɓ ngiɓoor ne o Yaal oxe Roog fee no daan den a dalin’ina fa den a cinj ye ta sutna a den no saax le Misira,

A cangatin ale 28:37

No qeet ke o Yaal oxe a ɓiskaa a nuun fop koy, xan da ndam xa ton no ke na dalkaa a nuun, a naxoortaa a nuun soo a nqaadnooxaa a nuun.

A lim ale 32:14

Ndiiki koy, kaa nu mbug o ndeef o jaf no daan nuun, xa ƥiy no baabakaad we nu ndefna, soo njumband fuux le no Yaal oxe took Isra’el.

A paɗax ale 26:32

Xam gef saax le nuun boo fañ we nuun na njaɓkan sax, a njaaxiɗ.

Heseki’el 23:7

Den a fartu, den a kag ake no Aa-asuur we. Kaa ɗofoogu, yaam a yuxum a den, too a xoolaƭarandta a xoox um pangool ke den.

Heseki’el 23:32

Keeke o Yaal oxe na refkaa boo faw a layu: Xan o yer o feeƭ ole no maag of o tew, o feeƭ o xooɗu too a yaaj. Xan o ref calat fo qaadnooxel, yaam kaa mayƭandel tem.

Heseki’el 24:7

Fo’oy le ta ɓaxna le maadaa a ndeer um. Kaa ɓaxin took ɓil le naagna faŋ, ɓaxiran took lanq ke, ndax fo ut ole a muurin.

Heseki’el 24:8

Xaƴaam fo’oy um took ɓil le naagna faŋ, maa ta muuritkaandeena, ndax um bilit fuux es soo fadin ndabdinax es.

Heseki’el 36:15

Nannoorkatiroong a ben ake na saax ake, too roxondooxkatiro o niwaƭarel ole no qeet ke. Salaxkatiro xa ƥiy axe na xeet of. Mi o Yaal oxe na refkaa boo faw layun.»