Heseki’el 22:12 - NQAARIIT NE ROOG

¹² Me wo, ker ke kaa njaɓeel, ndax fo’oy a ɓaxel. Kaa o rawnitaa took ndimand ngupalu. Kaa o jaɓaa o jeg no kend of took o hup doole, soo mi o mat o weecaam. Mi o Yaal oxe na refkaa boo faw layun.

Heseki’el 22:12 Referans Kwoze

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

A cangatin ale 27:25

‹Oxuu jaɓna gerel ndax ta war a jaambuur, a halakooxa!› Fat xeet fee fop a doon ee: ‹Amiini!›

Heseki’el 18:13

a rawnitaa took o yaakaar teen tig, a hupal no rimand o lad um, ndax xan a ñoow? Ha’aa, ñoowkee! A fi’a cednooxu keene fop, too a woora yee xan a xon, a gadoox fo’oy um.

Heseki’el 18:8

Rawnitkee took o yaakaar teen tig, hupalkee no rimand o lad um, fi’kee njofaƭar, too a hate’taa o cofel ndeer o kiin fo o kend um.

Yeremi 2:32

Ndax o njaaƈ o ndoog a naaga weecaa kelax um, mbaat o kulook a weec o qap um? Xeet es o mat a mbeecaxam, yaa leng a andeerna.

A kim a tedu ke 106:21

A mbeecta a Roog fee o Muumucil den, fi’’ina tig maak Misira,

A kim a tedu ke 15:5

Ɓanditkee xaaliis ndax ta rimandin too jaɓkee gerel ndax ta seede’an o cofu xe cegeer. Oxuu na fesooraa neene, tolofkee muk.

A cangatin ale 23:19

Ba nu njaɓ o kiin a ɓisiid kam Mbind ne no Yaal oxe Roog nuun ndabid naa ta xotitna no tig nandu neene, ndax ta fadnitin a tegit, yaam o Yaal oxe Roog nuun kaa sib a pi a nandu neene.»

A cangatin ale 16:19

Ba nu ƭap yaa fa hate, mbañ o mbarit o leng no kate nuun, too ba nu njaɓ o neexleel muk, yaam neexil ke kaa mbuulnaa a kid ake no yaal-o-and we soo a yaqaa fa lay fee no jofu we.

Yudaa 1:11

Ndaw sabab took den, yaam kaa ndeef a ƭat ale Kayin, a ndeɓoox na ƭat a naanax ale Balam yaam xaaliis, too xan a saŋkoox, yaam kaa mbañoogu a Roog nen a Koora.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

1 Korint 5:11

Ke um bindataa refu nu ndiƈatoox we andoona yee kaa layaa yee no ngim onqe a ndefu, too a seeqaa, a mbuge, a njuuraa, a mbenaa lakas we, a ndef yeeyer say, a nguuɗaa. Ba nu ndeer fo kiin um o roon sax.

YEGIL MBAAX NE YEESU ne Lik a bindtuuna 19:8

Kaa koy, Sake a inooxa, a geenoox soo a lay o Yaal oxe yee: «O Caajangin oxe, we njegeerna dara, xam coox a den genwal fee na halal fee mi, too a soƥangaa yee naxaam o kiin, ñaam xaaliis um, xam daknin o ten kaa hupna boo a caf a nahak.»

YEGIL MBAAX NE YEESU ne Lik a bindtuuna 18:11

O Farisiya xe a inooxa a geenoox, too a xeɗit nene yee: ‹Roog, mexe ɓoxotang tedaanga, yaam ne nandeeruuma fo wiin leng we ndefna guuɗ, a njofaƭar, a seeqaa mbaat nen o taarabdinax juuti xene sax.

YEGIL MBAAX NE YEESU ne Lik a bindtuuna 3:13

A doona a den ee: «Ba nu ndabdinoox kaa hupna ke nu simeena.»

Mace 23:25

Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu ƥogdaa took fee na tokol ale fo took fee no roon ole, too yaaga fop oo kam fee kaa may fo kuuɗe fo ke a yuxum a paaxeer ake a ƥisiidna.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

Yeremi 3:21

O ñuxur ole nannooxaa took xa coong axe naangna halit: Ii-isra’el we yoo, na loolaa soo a ƈufginooxaa, yaam kaa ƭap a ƭat den, a mbeecit o Yaal oxe Roog den.

Esayi 56:11

Xa ƥox xa say a ndefu itam, axaa mbaageerna o ngiñ, ke da ndefna gaynaak fop oo! Dara refee na qoox den, a yuxum a qoox den soom a ndeefaa, oxuu refna na den o njiriiñ xoox um a waaƭaa.

Esayi 1:23

Kelfa ke wo andatee a ƭat, a ngiɓaa o ngir fo guuɗ we, a mbex o ngereel, a ƈufanaa neexil. Ƥoxotkee o waan ole ke refna wargal um too mbaritkee o ñaaw oxe.

Xa peƭit axe 1:19

Kene refu a las no we na nguuɗaa: Nguuƭ na warkaa a den.

Nehemi 5:7

Hebooxaam o xasan maak we fo kelfa ke too layaam a den ee: «Kaa nu laacaa fog nuun ndimand ngupu, yaa nu ƥandaa a den xaaliis!» Cinj kaaga, xoytaam mbokatax maak, ndax mbir den a ɓaalel.

Nehemi 5:1

Ƭomatax maak a jegta no goor mayu fo rew den took no fog den Yaawuur we.

A cangatin ale 32:18

Nu ndeɓa ɓil le rimnoorna a nuun, mbeecit a Roog fee ci’na a nuun o ñoow.

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

Heseki’el 36:12

Xam ñaaƴnoor wiin we took nuun, a Isra’el fee xeet es, too xan a njegong. Xan o ref mbaafaap den, too salaxkatiro xa ƥiy den.

A paɗax ale 25:37

Boo o ɓandan xaaliis, ba o laacin ndimand ngupu, too bo o cooxan ñaamel itam, ba o laamtin ta daknong kaa hupna.

Esayi 17:10

Kaa o weec a Roog fee na muclang, too wetandooxiro ɓil le refna ndaɗand of. Ten taxu o jimbanaa pangool ke taxar pelu, saxnanaa a den taxar biiñ.

Yeremi 6:13

Yaam no ke xotitna no xe moƴna o neew boo no xe moƴna o maak na den, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Amos 8:4

«Ndiiki koy, nuun we na toroxandaa o ndool onqe, toroxu we nu mbaltaa onqe da njegna, nan-gilooxaamoo!

Amos 8:6

Xan i njik toroxu we, rool we a ndefik faɗ in, yaam peer xa ñaaƭ ne da ndawitna na in, too mbaagiran o ndabid, ke samitna no taaraar ke, i njikoortin nen a pep a paax.› »