Heseki’el 22:11 - NQAARIIT NE ROOG

¹¹ A jega me wo we njimbooxna no cednooxu fo o tew no kend den, wene a nqoolaƭarandit a qoox den o wondoox fo seemir den rew, waana a ngignaa jigeen den ndefna xa ƥiy xa tew faap den.

Heseki’el 22:11 Referans Kwoze

2 Sami’el 13:14

Amnon koy, bug’iran o nan-giloox dara, too ne ta hup’uuna doole, a gignaan.

A paɗax ale 20:17

Boo o koor a dolnirna fo o cigeen um, ta ref o ƥiy o ndew faap um mbaat o ƥiy o ndew ya um, a mbondooxangaa, a mbi’a cednooxu. Fat a saŋkel na kid no gentand den. O koor oxe a wondooxa fo o cigeen um, ten taxu a qaw um a jaga fo ten.

A paɗax ale 18:15

Wariro o wondoox fo o tew no ƥeef, yaam o seemir of oo.

A paɗax ale 18:9

Wariro o wondoox fo o cigeen of, ta ref o ƥiy faap of mbaat o ƥiy ya of, a yarooxangee fa wo no mbind leng kut ne sax oo.

Heseki’el 18:11

too faap um o mat fi’ee dara no keene fop. Boo o ƥiy onqeene a ñaamaa ñaamel ke ƥoxoteena pangool ke, a rok no tew no kend um,

A paɗax ale 20:12

Boo o koor a wondooxna fo o tew no ƥeem, den ɗik fop fat a mbarel. A mbi’a cednooxu. Fa nqon den a jaga fa den.

A paɗax ale 20:10

Boo o koor a seeqna fo o tew no kend um, den ɗik fop fat a mbarel.

A paɗax ale 18:20

Wariro o wondoox fo o tew no kend of, yaam kaaga xan a tax o xoolaƭar.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

Galati 5:19

Ke cer ke yaawaa koy a ande a paax. A pi ake den ndefu: Ceeq fo qoolaƭaru fo caasaay

1 Korint 6:9

Xeƈa kaa a yiif nuun ngalagee yee oxe naageerna o fi’aa ke Roog a bugna lamkee Maat ne Roog. Koo qoyni, ba o leng a nax a xoox um, yaam a cuut ake, we na njuuraa, we na seeqaa, goor we mbaat rew we na mbesanraa a ndeer den,

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Yeremi 29:23

Yaam kaa da mbi o njombe kam Isra’el, ye da njimbooxna no ceeq fo rew no gend den soo a lay xa maaƥ no gon es. A soƥa koy ee hebliim a den dara. Andaam keene fop too mi fa xoox es seede’un. Mi o Yaal oxe layun.› »

Yeremi 9:2

O Yaal oxe kaa tee: «Ɗelem den kaa nand nen a qali ŋaayne, ndax da maaɓ doŋ. Ndigil taxee da maadooxaa no saax le, yaam kaa mbi’aa paaxeer took paaxeer too nqalamiraam o and.

2 Sami’el 13:1

Keeke refu ke xewna a cinj keene. Absalom fee o ƥiy Dawid a jeg’a o cigeen o mosu xaa ne’eena Tamaar. Amnon fee taaw Dawid kaa bug’u a Tamaar lool.

A cangatin ale 27:22

‹Oxuu wondooxna fo o cigeen um, ta ref o ƥiy faap um mbaat o ƥiy ya um a halakooxa!› Fat xeet fee fop a ndoon ee: ‹Amiini!›

A cangatin ale 22:22

Nu mbetangaa o koor oxaa wondooxna fo o tew o tolooxu, den ɗik fop fat a mbarel, o koor oxe yoo, o tew oxe yoo. Neene, xan nu mbatin paaxeer ke a ndeer nuun.

2 Sami’el 13:11

Ye Tamaar a jeƈnan, Amnon a damaan, a layin ee: «O cigeen es, gari wondoox fa mi.»

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

Heseki’el 33:26

Kaa nu ngooloox laƥ nuun, mbi’aa cednooxu, oxuu refna na nuun a rokaa no tew no kend um, soo koy nu mbug o ndef we njegna saax le!

A paɗax ale 18:6

O leng na nuun waree o wondoox fo o tew oxaa ta fogitna tigi. Mi refu o Yaal oxe.