Heseki’el 22:10 - NQAARIIT NE ROOG

¹⁰ A jega me wo waa na mbondooxaa fo o tew faap den, fo waa na ngignaa o tew oxaa saqna tap.

Heseki’el 22:10 Referans Kwoze

A paɗax ale 18:19

Wariro o wondoox fo o tew, yaa ta saqna tap, yaam kaa xoolaƭar.

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

A paɗax ale 20:11

Boo o koor a wondooxna fo o tew faap um, a niwaƭara a faap um. Den ɗik fop fat a mbarel, yaam a jaga fa den.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

Amos 2:7

Kaa mbi we neewna doole takir, wargal no toroxu da ndakin, a suuraa. Kaam ee, kaa faap fo o ƥeem a nqetaa no toog o leng, a pi den fop a maasandaa gon tedu le mi.

1 Caloori ke 5:1

We na ngaraa taa mbaambir ndefu xa ƥiy axe Ruben fee taaw Isra’el. Ruben refu taaw, ndaa cinj ye ta wondooxna fo o leng no rew we faap um, a las taaw ale ten a cooxe a Yoseef fee refna ten itam o ƥiy Isra’el, too Ruben a ɗeet’ate nen oxaa ñakna a las taaw ale ten.

A cangatin ale 27:23

‹Oxuu wondooxna fo o seemir um a halakooxa!› Fat xeet fee fop a ndoon ee: ‹Amiini!›

A cangatin ale 27:20

‹Oxuu wondooxna fo o tew faap um a halakooxa, yaam yaaga ta ref o huytin!› Fat xeet fee fop a ndoon ee: ‹Amiini!›

A paɗax ale 20:18

Boo o koor a wondooxna fo o tew oxaa saqna tap, den ɗik fop fat a sutel xeet fee Isra’el, yaam ne da ngultirna.

Mberaand 49:4

wo fee na jiqtooxaa nen foofi, refatiro oxe moƴna jeg o njiriiñ, yaam kaa o wondoox no njong faap of, xoolaƭarandin.

Mberaand 35:22

Ye Isra’el a genna no jegel olaaga, Ruben a reta, a wondoox fa Bilha fee ngeƈ-a-salma ne faap um. Faap um a yega kaaga. Xa ƥiy axe Yakoob xarɓaxay fo ɗik a ndeeƭu.

A paɗax ale 18:6

O leng na nuun waree o wondoox fo o tew oxaa ta fogitna tigi. Mi refu o Yaal oxe.