Heseki’el 21:6 - NQAARIIT NE ROOG

⁶ O Yaal oxe a daawnaxam fa lay um na xa ƭelem axene:

Heseki’el 21:6 Referans Kwoze

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Esayi 22:4

Ten taxu um lay ee: «Mbaasaamoo pelek, nqaƴaamoo um lool boo torox. Ba nu njeemaam o yaal no njakad onqe na dalkaa o njaaƈ o ndoog onqe refna xeet es.»

Habakuk 3:16

Nanaam yo’in leene, soo kam es a jaxasoox, muuceek es a ndaprapnaa, cer es a ŋeesoox, um sendaa ne fodeema fop. Yaqanee koy, um cungaa ñaal ne na naqad fee, ñaal neene na betkaa xeet fee na toroxandaa a in.

Nahum 2:10

Lukityo xaaliis fee, mbuf wurus fee! Halal fa mbagkatar fey, tig cegu njiriiñ key gañ!

Dañel 8:27

Mi Dañel, jeg’aam ñaal leng-leng kaa neewuuma doole soo jir. Cinj kaaga, inooxaam soo jalanahinaa o maad oxe. Jaaxiɗ’aam lool no mbeeñil neene, too and’iim ke ta tekitna.»

Dañel 5:6

Maaga, a foora a kid, yiif um a jaq, ndet um a cuƥtoox, soo kuɓay um a nqawraa.

Heseki’el 37:20

Wo fee o ƥiy no kiin, fat o geek no ɓay of xa loq axe bindoona, ndax fop a nga a den.

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Heseki’el 4:12

Xan o ñaamaa o gaf lorso laa juɗtoona took sutax no kiin na kid den.»

Yeremi 30:6

Laamityo boog too ƭeet: ndax o koor a naaga o ñootaa? Xar taxu um ga’aa o koor oo koor a dam ndet nen o tew oxaa na gaajooxaa? Xar taxu mukit ke fop a mbeƭar?

Yeremi 19:10

Cinj kaaga, xan o duguñ o jalag ole na kid no goor we na yoonkaa fa wo,

Yeremi 4:19

Cey, o fud es, o fud es! Kaam lañtooxaa yaam o ɗomeel, xeeñ es a jaq! Waagiim o tiim muk, yaam nanoodaam a luuƥ, nan xa buuq xire.

Esayi 21:3

Ten taxu naqad oxe lifaxam, um ɗomeel nen o tew oxaa na gaajooxaa. Ke nanuuma kaa firɓandaam, ke ga’uuma a diidlandaam.

Esayi 16:11

Ten taxu kam es a gooy na Mowaab nen o nqilimb, xeeñ es a naqadiloox na Kiir-Heres.

Heseki’el 21:5

Maaga, layaam ee: «Ey o Yaal oxe na refkaa boo faw, weene kaa layaa na mi yee: ‹A naxax rek a laytaa.› »

Heseki’el 21:7

«Wo fee o ƥiy no kiin, geleerooxani a Yeerusaleem too waare took fo mbiñ fo tedu ne! Jo’tanaam took o fiisel ole Isra’el.

Heseki’el 32:18

«Wo fee o ƥiy no kiin, feri a kim a mboy took wiin mayu we ngenna Misira, fudni a den, den fo qeet cegu doole ke kam jaaniif, da yoon fo we na mbudooxaa kam gamb le na saŋkax ale.