Heseki’el 21:3 - NQAARIIT NE ROOG

³ Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.

Heseki’el 21:3 Referans Kwoze

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Ke bindeena no xe ne’eena YOB 9:22

Dara haaliraam. Ten taxu um saɗ o lay ee: Roog kaa moocandaa o cofu xe, ne’atiim o cofaƭaru xe.

Nahum 3:5

O Yaal oxe Hupna fop kaa tee: «Wo Niniif, xam dal took of, yoɗ xa lifar axe no ndoki of boo na mukit of, lal qeet ke cer ƥor of, gaci’andong na kid no maat ke.

Nahum 2:13

Njogoy ne kaa listanoogu xa ƥeem, a waranaa cogoy ƥasil ke ten. Kaa mayƭandoogu nqanq ne ten fo tame-dame, ngenand ne ten, ta yipin a tegeƴ a ƥor.

Heseki’el 5:8

no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Sakari 13:7

«Wo laƥ ne, yoɗooxani o kaynaak es, jagin no xe moƴaxama mat! Wari o kaynaak oxe, paal ke a pictoor, too xan o ɓay es a dal took fo mbote ne sax. Mi o Yaal oxe Hupna fop layun.

Sofoni 2:12

«Nuun Kuukuus we itam, xam warnoor a nuun na xire.»

Heseki’el 26:3

Ten taxu keeke layum, mi o Yaal oxe na refkaa boo faw: Xam inooxanong wo Tiir. Xam ɓakandiid took of qeet pagkatar ne o maag ole a yoɗtaa a yag-ee-yag ake ten.

Heseki’el 21:19

Wo fee o ƥiy no kiin, jo’tanaam too foxoox! Yaam laƥ ne xan a xaw a caf a ƭak boo na tadak. Laƥ naa na waraa yoo, laƥ naa na fi’aa boom, na raxaa a den.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yeremi 51:25

Mi yoo wo oo, o joong o yaayaq ole. Wo Babilon fee yaqoogna lanq ke fop, xan o ɓay es a dal took of. Xam berengtiidong took-ee-took a ƥil ake, fi’ong o joong olaa doxeena riw. Mi o Yaal oxe layun.

Yeremi 51:20

O Yaal oxe kaa tee: «Wo Babilon, kaa o reeƭu na mi o leede, ƥonax nqire’ir. Wo mokandtum a saax a mayu, yaqtong maat.

Yeremi 50:31

Xam damir fa wo, o pelnooxu xe refoona, yaam bes of a fadiida, waxtu fee o gadooxkaa a pi of a gar. Mi o Yaal oxe na refkaa boo faw Hupna fop layun.

Esayi 34:5

Laƥ ne mi kaa xeƴit na asamaan soo a fudooxaniidaa a Edoom, xeet fee kesanuuma a saŋkax ale, ndax um hate’in.

Esayi 10:5

Sabab took Asuur refna o cap ole no fuux le mi. O guul ole ta pokooxna refu fuux ɗomu le mi.

O baawaare xe 9:2

Kuu refna a waaga dal o kiin oo kiin. Muj fa leng fee yoo no cofu xe fo no soxodu xe, no xe faaxna too a xool fo no qoolaƭaru xe, no xe na ɓoxotaa sadax fo no xe ɓoxotkeeruuna. Neene a reftu no paaxu xe, nen o paabakaad oxe, no xe na daaɓooxaa, nen oxe daaɓooxkeerna.

A kim a tedu ke 17:13

O Yaal oxe, inooxi diganin, maafin, na pexey laƥ ne wo muclaam no soxodu xe.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

A paɗax ale 26:25

Xam ɓisiid xire kam saax nuun, ndax um xaw a nuun, yaam ne nu ƭegna ngiɓoor es. Xan nu laqooxaa kam teeru ke, ndaa yaaga yoo um fudniid piste a ndeer nuun boo nu ƥoxotoox no fañ nuun.

A sutax ale 15:9

O pañ oxe kaa layoogu yee: ‹Xam daab a den, dam a den, lasit paax ke da njegna boo deyƭoox. Xam woos laƥ es, o ɓay es a dal took den.›

Esayi 57:1

O cofu xe kaa saŋkooxaa, too o liir no leng jaaɓee, gore’u we a ngifeel, too o leng andee yee kaa ngifeel, ndax da ndaɗ taamaala fee.

Heseki’el 13:8

Ten taxu keeke o Yaal oxe na refkaa boo faw a layu: Feek fa lay nuun xa koɓong xa ƥor a refu, soo peeñil ke nuun a ndef xa maaƥ xa ƥor, xam inooxan a nuun. Mi o Yaal oxe na refkaa boo faw layun.

Heseki’el 29:10

Ten taxu xam damir fa wo, damir fo xa quluɓ axe wo, too xam fi a Misira juum kefatin, a pec fo o mbiñ o mbootu, no ke xotitna Migdol no ɓemb-roog o janoon, a sag Siniim no ɓemb-roog o ñamaak boo no ŋat olaa Kuus.

A kim a tedu ke 80:17

Fat we ndaaɓuuna, a nduusin, a saŋkoox mbaambir mukit of fa saɗarnooxu.

A kim a tedu ke 83:15

Ne fiɗel a raaɓtaa suungaan, ne ƈulfaan a sooynitaa taxar ke took xa coong axe,

Yeremi 17:27

Kaa koy, nu nan-gilooxangiraam, nu tedlandangee bes fee na ñootnax ale, ndoxondoox toq soo ndokit no tokand ke Yeerusaleem na bes fee na ñootnax ale, maaga xam heƥand fiɗel no tokand ke ten, ta raaɓ pind mosu ke Yeerusaleem, too ñufkee boo muk.»

Yeremi 21:14

Xam xaw a nuun, reefandin no ke a pi nuun a njagitna. Xam heƥand fiɗel kam suungaan a toodook qool ake nuun, ta raaɓ ke widna a nuun fop. Mi o yaal oxe layun.»

Heseki’el 24:9

Ten taxu keeke o Yaal oxe na refkaa boo faw a layu: Sabab took teeru fa yednu fee! Mi itam xam fi baar xa cuuƭ.

Amos 5:6

Ngaryo me no Yaal oxe, nu mbugangaa o ñoow! Nu mbi’angiran, xan a raaɓ mbind Yoseef, too o leng oxaa ñufuuna jegkee Betel.

Amos 7:4

O Yaal oxe na refkaa boo faw a dakooxaxam o feeñil keeke, a layaam ee xan a xawit fiɗel we na mbi’aa njofaƭar, fiɗel le a ŋeerin poofi ke no qooƭ ke na juwaam fee, soo a raaɓ xa qol axe.