Heseki’el 21:25 - NQAARIIT NE ROOG

²⁵ na ƭat ale o sexkaa, ndax laƥ ne a fadiid Raba, teeru fee no Aa-amon we, a fadiid itam no Yuuyuda we kam Yeerusaleem, teeru fa njegu saŋe fee.

Heseki’el 21:25 Referans Kwoze

Heseki’el 35:5

Feek kaa o gen cay no fañraa fo Ii-isra’el we, soo maafit a den laƥ ye fa naqad den, ye tooñ den a hupna,

Heseki’el 21:29

Ten taxu keeke o Yaal oxe na refkaa boo faw a layu: Feek nu mbetandta boom le nuun, ngulit tooñ nuun, mbeeñil nañ pakaad nuun kam a pi ake nuun fop, feek nu mbetandooxe, xan nu naangel nuus no ɓay.

Heseki’el 17:19

Ten taxu keeke o Yaal oxe na refkaa boo faw a layu: Ne ta wooritna yee mexe ñoowaa, feek a niwaƭara a taaƥ ale daaɓooxeena no gon es soo a ɗeg ngiɓoor ne, xam rabdin o ten.

Yeremi 52:2

Sedekiya a fi’a deŋ kaa faaxeerna na kid no Yaal oxe nen a Yoyakim.

2 Caloori ke 36:13

A siiknoora sax fo o maad Nebukadnesaar fee daaɓooxnoor’uuna na Roog. A jikooxa o saƭik xoox, a ŋaj, a fañ o nomtooxiid no Yaal oxe Roog fee Isra’el.

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Heseki’el 7:6

Muukandoong ne xey a garaa. A yokooxanaang, o ten oo xeene garaa.

Yeremi 51:13

Wo Babilon fee genna paam poofi maak ke too jeg kalal pagkatar, muukandoong of a fadiida, sor of a fag tak.

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

A kim a tedu ke 7:9

O Yaal oxe, wo xe na hate’aa qeet ke, ɓoxotaam ɓur, yaam kaam jof soo ñak ƥanjel.

A kim a tedu ke 37:13

ndaa o Yaal oxe kaa jalan, yaam a ga’a bes fee na qaw um a garaa.

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Heseki’el 7:3

Ndiiki muukandoong ne xe garaa took of. Xam hebliid fuux es took of, hate’ong na pesorooƭ of soo sufong cednooxu ke wo fop.

Heseki’el 21:12

Maaga, yaa da laamitkang ee: ‹Xar o iinaa?› Fat o doon a den ee: Kaam daaw o nan o feleer olaa na taxkaa nof ke fop a mboof, xa ƥay axe fop a yaar, a yiif ake fop a njaq, kuɓay ke fop a nand fa foofi. Oxe garaa too xan a fadnoox. Mi o Yaal oxe na refkaa boo faw layun.»

Heseki’el 21:24

«Wo fee o ƥiy no kiin, sexi a ƭat a ƭak ndax laƥ ne no maad oxe Babilon a fadiid. A ƭat a ƭak ake fop xan a sutoor no saax leng kut. Samandaali o anddiloor no ƭat-sal ne jaginna na teeru fee, samandaaleen

A kim a tedu ke 48:13

Mbidyo a Siyoŋ, lim taax-took pegoor ke ten.

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 49:2

Ten taxu o Yaal oxe a lay ee: «Ñaal key a ngaraa, kaa um nannoorkaa o wuuq xire took Raba, teeru fa maak fee no Aa-amon we. Xan a refat juum kefatin, fiɗel a raaɓ teeru ke ta waxooxna. Maaga, Isra’el xan a jaɓatin ke ta jeg’ina. Mi o Yaal oxe layun.

Heseki’el 25:5

Xam supit teeru fee Raba o yisand keeleemb, saax le no Aa-amon we um fi’in ged paal. Maaga, xan nu and ee mi refu o Yaal oxe.»

Amos 1:14

Xam fudin fiɗel took saŋe ke mbidna Raba, ta raaɓ pind no maad ke ten, ndeer xa buuq na bes xire, nen kam a und na bes o ufang,