Heseki’el 21:16 - NQAARIIT NE ROOG

¹⁶ Kaa cooxtel ndax ta ɓodaxnel, boo o ɓay a waagin o pok. Laƥ ne a lake, a ɓodaxnel, ndax o ɓay ole no baawar oxe a ɓonooxin.

Heseki’el 21:16 Referans Kwoze

Heseki’el 21:20

Xam doon na xa ton-maax axe den fop laƥ ne na waraa, ndax njambaar den a ɓut, da moƴ o ndiid. Ey, a jagande, ndax ta filin xa meldaan, a lakel, ndax ta saŋik.

Heseki’el 21:4

Maaga, oxuu refna xan a ga ee mi o Yaal oxe heƥandun too ñufkee.»

Heseki’el 16:46

O maag of o tew oxe gartoonga no ɓemb-roog o janoon refu Samari fo xa ƥeem xa tew, soo o ndeɓ of o ndew onqe gartoonga no ɓemb-roog o ñamaak a ref a Sodoom fo xa ƥeem xa tew.

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Mberaand 13:9

Saax le fop oxey mbaambir of! Retani a xoox of boog. O xotangaa na janoon, um xot na ñamaak, o xot na ñamaak, um xot na janoon.»

Heseki’el 21:15

A bar o mat taxu ta lakel, o meleƈaa a tax ta seesel. Ndax i mbaaga o mbelakinoox no samb ole no maad oxe o ƥees? Laƥ ne kaa xeef o loq oluu refna.

Heseki’el 21:17

Wo fee o ƥiy no kiin, wuuqi too ɗomatoox, yaam a face took xeet es, took gelwaar we Isra’el fop. A njoore took laƥ ne, den fa xeet es. Ten taxu xawooxi no fek!

Heseki’el 28:23

Xam hebliid teen piste soo ɓax fo’oy no ped ke ten. We mbareena xan a yen a ndeer um na pexey laƥ ne ta ɗaayaneena o saax oo saax too xan da and ee mi refu o Yaal oxe.»