Heseki’el 20:9 - NQAARIIT NE ROOG

⁹ Yaqanee koy, fi’inum yaam gon es, ndik ta maasandel na kid no qeet ke da ndeeƭna a ndeer den, ye andnooxuuma a den, ndax um sut a den no saax le Misira.

Heseki’el 20:9 Referans Kwoze

Heseki’el 39:7

Xam andnoor gon tedu es a ndeer Isra’el fee xeet es too xaƴkatiim gon tedu es a maasandel. Neene, qeet ke xan a and ee mi refu o Yaal oxe, o Tedu xe Isra’el.

Heseki’el 20:22

Yaqanee koy, damaam o ɓay es, fañin o fi yaam gon es, ndik ta maasandel na kid no qeet ke maad’ina ye um sutaa a den Misira.

Heseki’el 20:14

Yaqanee koy, fi’inum yaam gon es, ndik ta maasandel na kid no qeet ke maad’ina ye um sutaa a den no saax le Misira.

A sutax ale 32:12

O fi’angaa keene, xan Miimisira we a layaa yee o toroxand a in, in Ii-isra’el we taxu o sut a in Misira, ndax o warnoor a in kam xa coong axe, xuuf xa ñis in took lanq ke. Ɓoosdandi fuux of too waas paaxeer ke bugoona o fi a in, in we xeet of.

1 Sami’el 12:22

O Yaal oxe xaƴkee a nuun yaam gon maak le ten fo ne ta heboox’ina yaaga o fi a nuun xeet um, ten fa xoox um.

1 Sami’el 4:8

Sabab took in! An na mucilkaa a in boog no ɓay ole na Roog fa mayu katil feene? Roog feene mat refu fee xawit’ina Miimisira waa fo taamaala fuu refna kam a koƥ-a-ƥor alaa.

A cangatin ale 9:28

yaam ndik wiin we no saax le suttoona a in a lay ee: O Yaal oxe waag’atee waag o fadnik a den no saax le ta reg’ina a den, too refeerna keene sax oo kaa sib a den. Ten taxu ta sut a den, ndax ta saŋik a den kam a koƥ-a-ƥor ale.

Yosuwe 7:9

Xan Kaakanaan we fo we ngenna no saax le fop a yegin, a mbid a in o kurul-keƥ soo a moocand a kon in no saax le. Ndi yaaga nam gon of a jegitkaa o ndam?»

Yosuwe 2:10

I yega ne o Yaal oxe a xaajit’ina poofi kaa na Kal alaa no xeet laa mbaambir nuun, ye nu sutooxna Misira fo ne nu moocanditna a Siihon fa Oog, maad ɗik we no Aa-amori we maadooxoogna no batand naa Yordaan.

A sutax ale 32:11

Kaa koy, Moyiis a xeɗooxa o Yaal oxe Roog um, a layin ee: «O Yaal oxe, xar taxu o fuuxan xeet of fee sutoona no saax le Misira na katil fa maak fo o ɓay o jegu doole?

A kim a tedu ke 106:8

ndaa a mucla a den yaam oxe ta refna, ndax ta lalit katil um.

Esayi 48:11

Um fesoorangaa neene, mi fa xoox es taxun, ii, mi soom taxun, yaam waagiim o jaɓ muk gon es a niwaƭarel. Waagiim o xaƴan lakas we o ndam onqe helaxama.»