Heseki’el 20:8 - NQAARIIT NE ROOG

⁸ A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Heseki’el 20:8 Referans Kwoze

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:7

Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

Heseki’el 7:8

Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

A cangatin ale 9:7

«Mbetandooxyo too ba nu mbeecit muk ne nu mbuuxnoortoogna o Yaal oxe Roog nuun kam a koƥ-a-ƥor alaa. No kaa xotitna no ñaal naa nu sutooxna saax laa Misira boo neen nu mbadiidu o mbiñ onqene kaa nu siiknooraa fo ten.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

A sutax ale 32:1

Ye xeet fee a nga’na yee Moyiis a miña took o joong ole too fudooxiidee, a mbokatoora maa Aaroon, a layin ee: «Inooxi, fi’an a in roog kaa na mbugko ñaaƴaa mbaambir in, yaam Moyiis feeke, o koor oxe sutna a in no saax le Misira, i andee ke daluuna.»

A paɗax ale 18:3

Nu laalkee muk ke na fi’eel no saax laa Misira nu ngen’ina mbaat ke na fi’eel no saax le Kanaan um rokinkaa a nuun. Ba nu ndeef o mbaax den.

A kim a tedu ke 69:24

Yaasam a kid den a niifaar, o ga den a sooƴ, tiiñ den a nqali boo xoo.

A kim a tedu ke 106:23

Kaa heboox’u o saŋik a den, ndaa Moyiis fee ta jil’ina a xeɗooxaan, boo ta waas fuux le ten, a fañat o moocand a den.

Yeremi 7:24

Kaa koy, nan-gilooxee, ndungee nof den, ndaa kaa ndeefaa a qalaat a qoox den soo a nqox no saƭik xoox o faaxeer ole den. Ƭeetiraam, ndaa kaa mbesaam ndiiñ.

Yeremi 11:8

Kaa koy, nan-gilooxee, ndungee nof den. Kaa nqox no saƭik xoox o faaxeer ole den. Maaga, fadnaam took den a maƭax es fop, yaam ndeefee bargal ke no ngiɓoor neene hebil’uuma a den.»

Heseki’el 20:16

feek kaa nqeef’u kebil es, a mbañ o ndeef bargal es soo a maasand pes a ñootnax ke mi, yaam xeeñ den a saaƭoox no pangool ke den.

Heseki’el 22:22

Ne xaaliis a naayniteel a ndeer ndoxand, neene nu naaynitkeel a ndeer fuux le mi kam Yeerusaleem, too xan nu and ee mi refu o Yaal oxe, na ɓaxaa fuux es took nuun.»

Hoose 9:10

O Yaal oxe kaa tee: «Ga’aam a Isra’el nen xa biiñ kam a koƥ-a-ƥor, ga daan we nuun nen xa tun xa peraand. Kaa koy, ye da mbadiidna Baal-Pe’oor rek, a soobooxa no mbaɗooxaa a Baal fa sednooxu feene, soo a ndefat cednooxu den fa qoox den nen o fes den oleene.

A cangatin ale 9:24

Naa andum a nuun, nu nananee o ñuxur no Yaal oxe.

A kim a tedu ke 78:8

Neene, nandkee fo daan den, ndefna suk ƥoowu too a nanaƭar, suk naa njegna a yiif-a-ƭak, too a qeeñ den ndamooxee na Roog.

A kim a tedu ke 78:17

Kaa koy, yaqanee da maad o tooñan, a siiknooraa fo xe Took-ee-took na koƥ-a-ƥor alaa.

A kim a tedu ke 81:12

Kaa koy, xeet es nan-gilooxee o ñuxur es, Isra’el a fañaam faƥit.

Yeremi 32:23

A ndoka teen, a njangin, ndaa nan-gilooxee o ñuxur of, ndeefee kebil of, mbi’ee dara no ke hebil’oona a den da mbi. Ten taxu, o sag a den taamaala feeke fop.

Heseki’el 23:3

A njaga’a Misira ye da ndefaa xa teɓandoong. Ƭeen den a naƥne maaga, kang den a moosel maaga.