Heseki’el 20:7 - NQAARIIT NE ROOG

⁷ Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

Heseki’el 20:7 Referans Kwoze

A paɗax ale 18:3

Nu laalkee muk ke na fi’eel no saax laa Misira nu ngen’ina mbaat ke na fi’eel no saax le Kanaan um rokinkaa a nuun. Ba nu ndeef o mbaax den.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Heseki’el 18:31

Mbaasyo a pi a paaxeer ake nuun, supit a qeeñ ake nuun fo a yiif ake nuun. Nuun mbind Isra’el, xar taxu nu mbug o nqon?

A paɗax ale 11:44

Mi refu o Yaal oxe Roog nuun. Fat nu ted boog, yaam kaam ted. Yaaga boog, ba nu nduq ƥood keene fop, yaam ndik da nqoolaƭarin a nuun.

Heseki’el 23:8

Waasee njaga ne ten yaaga no saax laa Misira, yaam a mbondoox’a fo ten no ndeƥandoong um, a naƥin ƭeen um no ndoog um soo a ƥekin no njaga.

Heseki’el 23:3

A njaga’a Misira ye da ndefaa xa teɓandoong. Ƭeen den a naƥne maaga, kang den a moosel maaga.

Heseki’el 20:19

Mi refu o Yaal oxe Roog nuun. Ndeefyo kebil es, ngay bargal es soo mbadin a den.

Heseki’el 18:15

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um,

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

Heseki’el 14:6

Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Esayi 31:7

A koom, xan nu ndeɓ pangool ke nuun mbi’teena xaaliis fo ke mbi’teena wurus, too xa ƥay nuun a njal’u a den, da mbakaadnooroogu a nuun.

2 Caloori ke 15:8

Ye Aasa a nanna fa lay faaga fo njo’it ne no tuleer oxe, a saƭakinooxa, a yaq cakalaaru ke kam Yudaa fa Bensame fo no teeru ke na xa coong axaa Efrayim ta jaɓ’ina. Cinj kaaga, a jagandatina o sadaxand ole no Yaal oxe reeƭna mbaambir o ndambalaan onqaa no Mbind Roog ne.

Yosuwe 24:14

Ndiiki koy, saɗaryo o Yaal oxe too mbaɗooxin fo o ñak sik fo ngor. Mbatinyo roog ke daan nuun a mbaɗooxoogna, ye da ndefaa kaltaa Ofrat fo no saax laa Misira, soo mbaɗoox o Yaal oxe doŋ.

A paɗax ale 17:7

Neene, Ii-isra’el we ƥoxotkatee sadax roog tefee ndigil ke da sipna mbaambir den, da nandtaa a suk, ndaa xan a ndamooxat na mi ne o tew o kore’u a damoortaa no kor um. Keene xan a ref na den fo na xa taan den kebil ñufkeer muk.

A sutax ale 20:4

Fi’kiro nitaal mbaat samandaal naa o faɗooxaa nen a Roog of, ta ref ke na asamaan fee mbaat took lanq ke mbaat kam poofi ke ndefna ɗuga lanq ke.

A sutax ale 20:2

«Mi refu o Yaal oxe Roog of, suttoonga no saax le Misira, me reeƭoona o paɗ.

A sutax ale 16:12

«Nanaam o nqasax onqe no Ii-isra’el we. Layi a den ee: ‹Na kid-a-caɓru ke, xan nu ñaam a tegeƴ, soo o feet nqes nu ñaam puuru boo ngiñ. Neene nu anditkaa yee mi refu o Yaal oxe Roog nuun.› »

A paɗax ale 20:7

Fat nu ted boog, yaam mi refu o Yaal oxe Roog nuun.»

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

A sutax ale 22:20

Nu mbaree o ñagadilaa mbaat nu toroxandaa xa kataakoon axaa ngenna no mbind nuun. Mbetandooxyo yee nu mosa o ndef xa kataakoon no saax laa Misira.

Heseki’el 23:7

Den a fartu, den a kag ake no Aa-asuur we. Kaa ɗofoogu, yaam a yuxum a den, too a xoolaƭarandta a xoox um pangool ke den.

A paɗax ale 18:2

ta daawin Ii-isra’el we xa ƭelem axeeke: «Mi refu o Yaal oxe Roog nuun.

Heseki’el 34:24

Mi o Yaal oxe, xam ref Roog den, soo Dawid fee o tag es a ref o kelwaar a ndeer den. Mi o Yaal oxe layun.