Heseki’el 20:6 - NQAARIIT NE ROOG

⁶ A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

Heseki’el 20:6 Referans Kwoze

Heseki’el 20:15

Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,

Yeremi 32:22

Ci’aa a den saax lene, daaɓoox’oona fo daan in ee xan o ci’in a den, saax laa fo sis fo suum a ndaxritaa.

A kim a tedu ke 48:2

O Yaal oxe a magna, Roog in jombee o simatel, ten fee refna kam teeru fee ta jegna. O joong o tedu le ten

A sutax ale 3:8

Kaam fudooxiid, ndax um wat a den na xa ƥay axe no Miimisira we, sut a den no saax leeke, ɓis a den no saax faax yaaju laa fo sis fo suum a ndaxritaa, me Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Dañel 8:9

O njan o ndutuuñ a saxta no leng na den, a maakit farna fo ɓemb-roog o ñamaak, farna fo batand fo farna fo saax le moƴna o mos.

A sutax ale 33:3

Neene, xan nu mbaag o ndok no saax leene fo sis fo suum a ndaxritaa. Kaa koy, mi fa xoox es yoonkiim fa nuun, ndik um saŋik a nuun na ƭat yaam a qoox a saƭku ke nuun.»

Dañel 11:41

Xan a song saax le moƴna o mos, too xan mayu no saax leene a mbarel. Kaa koy, Ee-edoom we fo Moomowaab we fo moƴ-o-jaak ole no Aa-amon we xan a muc no ɓay um.

Dañel 11:16

O maad oxe no ɓemb-roog o janoon songiidna xan a fi kuu feluuna, too o leng waagkiran o xox. Xan a dal no saax le moƴna o mos, a yaqaa retaa.

Heseki’el 20:42

Xan nu and ee mi refu o Yaal oxe, yaa um nomtiidkaa a nuun no fiisel ole Isra’el, kam saax le daaɓoox’uuma fo o ɓay es took ee xam ci’in daan nuun.

Heseki’el 20:23

Kam a koƥ-a-ƥor ale, mi o mat daaɓoox’u fa den fo o ɓay es took ee xam pasar a den a ndeer qeet ke, picit a den na saax a pogreer,

Heseki’el 20:5

Fat o lay a den ee: Keeke o Yaal oxe na refkaa boo faw a layu: A koom alaa jiluuma a Isra’el, daaɓooxaam fo mbind Yakoob, andnoox a den no saax laa Misira. Daaɓooxaam fa den fo o ɓay es took ee: Mi refu o Yaal oxe Roog nuun.

Yeremi 11:5

Neene, xam dam ke daaɓooxuuma fo daan nuun ee xam ci a den saax laa fo sis fo suum a ndaxritaa, ne ta refitna xaye.» Maaga, doonaam ee: «Ndigil oo, o Yaal oxe!»

Yosuwe 5:6

Ii-isra’el we a ñaaƴ’a xa kiid qarɓeen nahik kam a koƥ-a-ƥor alaa, boo neen goor we sutoor’ina Misira too a mbad’u o ndet na xire fop a nqonu. Ne da nanaƭaran’ina o ñuxur no Yaal oxe, tax’u ta daaɓoox ee nga’kee saax le ta reg’ina paap ke den fo a taaƥ ee xan a cooxin a in, saax laa fo sis fo suum a ndaxritaa.

A cangatin ale 32:8

Ye oxe Took-ee-took a lasrandna qeet ke lanq ke, a xaaj xa ƥiy Aadama, a fiisa xa ŋat axe no qeet ke, a coox xeet fuu refna malaaka faa na saytooxan.

A cangatin ale 31:20

Xam ɓis xeet feeke kam saax le daaɓooxuuma fo daan den ee xam ci’in a den, saax le fo sis fo suum a ndaxritaa. Xan da ñaam maaga boo a naang tem, a magin, cinj kaaga da nquruloox farna fo roog lakas, a mbaɗooxaa a den. Xan a nqeefaam soo a ƭeg ngiɓoor es fa den.

A cangatin ale 27:3

Fat nu mbind took fee fa lay fee no kebil ke fop ndak fo ndak, yaa nu nqaañna o xuluɓ ole. Neene, xan nu mbaag o ndok no saax le o Yaal oxe Roog fee no daan nuun a layna yee xan a ci’in a nuun, saax le fo sis fo suum a ndaxritaa.

A cangatin ale 26:15

Me fodoona no ngenand tedu of na asamaan, ɗeeti too barke a Isra’el fee xeet of fo lanq ke ci’oona a in, ne daaɓoorit’anoona fo daan in, saax leeke fo sis fo suum a ndaxritaa.› »

A cangatin ale 26:9

A ɓisiida a in no mbiñ onqene soo a ci a in saax lene fo sis fo suum a ndaxritaa.

A cangatin ale 11:9

soo nquuɗ kam saax le o Yaal oxe a daaɓooxna fo daan nuun ee xan a ci’in a den, den fo xa taan den, saax le fo sis fo suum a ndaxritaa.»

A cangatin ale 6:3

Nuun Ii-isra’el we boog, fat nu nan-giloox a den, ngay a den ndax nu ndeef a den. Neene, xan nu ƭaay too siw tigi kam saax le fo sis fo suum a ndaxritaa, ne o Yaal oxe Roog fee no daan nuun a laytuuna a nuun.

A lim ale 14:8

A soƥangaa yee o Yaal oxe fa in a faru, xan a ɗox a in boo no saax laaga fo sis fo suum a ndaxritaa, too xan a ci’in a in.

A lim ale 13:27

Keeke refu ke da mbetandoox’ina a Moyiis: «I ndeta no saax le lul’oona a in. No ndigil, saax laa fo sis fo suum a ndaxritaa yoo. Xa tim axe owey.

A paɗax ale 20:24

Lay’aam a nuun koy ee: ‹Nuun na lamkaa lanq ke den. Xam ci’in a nuun, nu njegkin. Saax laa fo sis fo suum a ndaxritaa yoo!› Mi refu o Yaal oxe Roog nuun, jektirandna a nuun fo qeet lakas ke.

A sutax ale 13:5

Yaa o Yaal oxe a rokinkaa a nuun kam saax le no Kaakanaan we, Heeheet we, Aa-amori we, Hiihiwi we fo Yeeyebus we, ta daaɓoox’ina fo daan nuun ee xan a cooxin a nuun, saax le fo sis fo suum a ndaxritaa, fat keene a ref o mbaax onqaa nu mbetandooraa o Yaal oxe kam o nqool onqeene.

A sutax ale 3:17

Kaam ee xam sut a nuun Misira, me nu nqijtaa, soo ɓek a nuun kam saax le Kaakanaan we fo Heeheet we fo Aa-amori we fo Peeperisi we fo Hiihiwi we fo Yeeyebus we a ngenna, maa fo sis fo suum a ndaxritaa.›

A sutax ale 6:8

Xam rokin a nuun no saax le regtuuma, daaɓooxuuma o coox a Abraham fa Isaak fa Yakoob. Xam ci’in a nuun, nu njegkin. Mi yoo, mi o Yaal oxe.»

A cangatin ale 32:40

Kaam letin o ɓay es farna fa asamaan soo daaɓoox ee: Ne ta wooritna yee mexe ñoowaa boo kili,

A kim a tedu ke 106:24

Mbug’atee o and dara no saax felu le, yaam ngim’ee ndegit ne no Yaal oxe.

Heseki’el 47:14

Xan nu lasrin ne daaɓoorit’anuuma o ɓay es took ee xam ci’in daan nuun. Xan nu njegik saax lene, oxuu refna fo a las um ta ref mbaafaap nuun.

A cangatin ale 3:25

Ci’aam um xaañ o xuluɓ ole, ndax um ga saax faaxu lene no mudand ne Yordaan, xa coong xa mosaan axaaga fo axe Libaŋ.›

Nehemi 9:9

Ga’aa o ñaat ole no daan in kam Misira too nanaa ƈufginax den, na ƥeeraamb alaa na Kal ale no xeet le.

Nehemi 9:12

No ñaal ne, ɗoxtaa xeet of eel fo suun, soo no yeng ole, aal fiɗel laa na xoolandanaa a den a ƭat ale da ndeefna.

A kim a tedu ke 47:5

A jilana a in lanq ke i lamna, ta ref qaaƴoor in, in we xeet fee Yakoob ta fexna. A maaf

Yeremi 3:19

O Yaal oxe kaa tee: «Cey, ndaw ne bugit’uuma o fi’ong nen o leng na xa ƥees, soo ci’ong saax laa felna bo, lam ne moƴna faax na adna fee fop! Kaam foog’u yee: xan o xoyaam ‹Faap es›, feskatiraamo a cinj muk.