Heseki’el 20:44 - NQAARIIT NE ROOG

⁴⁴ Xan nu and ee mi refu o Yaal oxe, yaa um fesoorkaa fa nuun neene yaam gon es, ndaa refkee muk yaam a pesorooƭ a paaxeer nuun fo a pi a parƴu ke nuun, nuun mbind Isra’el. Mi o Yaal oxe na refkaa boo faw layun.»

Heseki’el 20:44 Referans Kwoze

Heseki’el 24:24

Heseki’el xan a ref na nuun o anddiloor. Xan nu mbesoor deŋ ne ta fesooritna. Yaa keene a xewkaa, xan nu and ee mi refu o Yaal oxe na refkaa boo faw.› »

Heseki’el 20:22

Yaqanee koy, damaam o ɓay es, fañin o fi yaam gon es, ndik ta maasandel na kid no qeet ke maad’ina ye um sutaa a den Misira.

Heseki’el 20:14

Yaqanee koy, fi’inum yaam gon es, ndik ta maasandel na kid no qeet ke maad’ina ye um sutaa a den no saax le Misira.

Heseki’el 20:9

Yaqanee koy, fi’inum yaam gon es, ndik ta maasandel na kid no qeet ke da ndeeƭna a ndeer den, ye andnooxuuma a den, ndax um sut a den no saax le Misira.

A kim a tedu ke 115:1

Baa ref na in, o Yaal oxe, kaam ee baa ref na in, ndaa no gon of ɓoxoti o ndam, yaam kaa o jeg o mbeq fo ngor!

1 Timote 1:16

Kaa koy, ne laytanuuma, kaam daaw yirmande, ndax Kiristaa Yeesu a eet o laltit na mi o muñ um fop. Neene, xam ref o ɗeendoor mbaambir no we na ngimkaa no ten, ndax da njeg o ñoow o fagkeer ole.

Efees 1:6

Yaaga boog, fat i simat a Roog yaam yirmande um fee ta ci’na a in no fud o letu no Ƥeem onqe ta fexna fex.

Heseki’el 20:38

Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.

A kim a tedu ke 79:9

Roog o Muumucil in, gari dimle a in yaam o ndam onqe no gon of. Forti pakaad in, wat a in yaam oxe refoona.

Heseki’el 16:62

Mi koy, xam dalnatin ngiɓoor es fa wo, too xan o and ee mi refu o Yaal oxe,