Heseki’el 20:4 - NQAARIIT NE ROOG

⁴ Ndax xan o hate a den, kaam ee ndax xan o hate a den, wo fee o ƥiy no kiin? Andnoori a den a pi a cednooxu ke no daan den.

Heseki’el 20:4 Referans Kwoze

Heseki’el 22:2

«Wo fee o ƥiy no kiin, ndax kaa hate’kiro, kaam ee ndax kaa hate’kiro teeru fa yednu fee? Andnooreen cednooxu ke ten fop!

Heseki’el 23:36

O Yaal oxe a layaxam ee: «Wo fee o ƥiy no kiin, ndax kaa hate’kiro a Ohola fa Oholiba? Andnoori a den cednooxu ke den,

1 Korint 6:2

Kaa nu andee yee tedu weene na ngate’kaa adna fee! Tig podu nen hate adna a doonange no ɓay nuun, nam o hate tig pooreer a naru o ɓoowit a nuun? Ndax hate kaa jomb a nuun?

Heseki’el 23:45

Kaa koy, goor jofu o mat na ngate’kaa a den, ne rew seeseeq a ngate’teel, ne rew we ƥaxna fo’oy a ngate’teel, yaam kaa seeqaa, too fo’oy ley na xa ƥay den.»

Heseki’el 14:20

ne ta wooritna yee mexe ñoowaa, mi o Yaal oxe na refkaa boo faw layun, Nowe, Dañel fa Yob a ndeeƭangaa a ndeer saax le mucilkoogee xa ƥiy xa koor mbaat xa tew axe den, o cofel den, o ñis den soom a mucilkoogu.»

Heseki’el 14:14

A jeg’angaa sax kam saax leene goor daduk wene: Nowe, Dañel fa Yob, o cofel den, o ñis den soom a mucilkoogu. Mi o Yaal oxe na refkaa boo faw layun.

Yeremi 15:1

O Yaal oxe a layaxam ee: «Moyiis fa Sami’el sax a ngeenoox’angaa mbaambir es, yirimkoogiim xeet feene. Raxi a den da ngoƭaam, fat a ndet!

Yeremi 11:14

Wo Yeremi koy, ba o xeɗan xeet fene. Ba o loolooxan mbaat o xeɗooxan a den, nan-gilooxkiim a den, yaa da ƈufginooxaxam yaa fa taamaala fee den.»

Yeremi 7:16

«Wo Yeremi, ba o xeɗan xeet fene. Ba o loolooxan mbaat o xeɗooxan a den. Ba o ƴufginoox paam es, yaam nan-gilooxkiroong.

Esayi 5:3

E ndiiki koy, nuun we ngenna Yeerusaleem fo nuun wiin we Yudaa, nuun na ngate’kaa a ndeer es fo a ƭing ale mi!