Heseki’el 20:3 - NQAARIIT NE ROOG

³ «Wo fee o ƥiy no kiin, layi fo maak we Isra’el. Fat o yegin a den ee: Keeke o Yaal oxe na refkaa boo faw a layu: Ndax o nga’ir fa mi taxu nu ngar? Ne ta wooritna yee mexe ñoowaa, xaƴkiim nu nga’ir fa mi muk. Mi o Yaal oxe na refkaa boo faw layun.

Heseki’el 20:3 Referans Kwoze

Mise 3:7

Maɗag we xan a sed, ɗeet we a seeƈaar. Den fop xan a lupandoox, yaam Roog jaaɓkatee a den.

Xa peƭit axe 28:9

Boo o kiin a suxlooxna kebil ke no Yaal oxe, a qeƭ um sax kaa sednoox.

YEGIL MBAAX NE YEESU ne Saŋ a bindtuuna 4:24

Roog Yiif oo, too we na mbaɗooxan, yiif fo ndigil a mbarun o mbaɗoortaa.»

YEGIL MBAAX NE YEESU ne Lik a bindtuuna 3:7

Wiin mayu a ngara maa Saŋ, ndax da mbatiise’el. Kaa koy, Saŋ a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Mace 3:7

Yaa Saŋ a ga’na Farisiya waa fo Sadusiya waa a ngaraa ndax da mbatiise’el, a laya a den ee: «Nuun soo ndef fo nqisiil! An lalgandu a nuun nu ƈuf fuux le Roog na garaa?

Heseki’el 20:31

Yaa nu ƥoxotaa sadax nuun, ndoxaa xa ƥiy nuun nen sadax, kaa nu maad o nqoolaƭarandtaa a qoox nuun boo xaye pangool ke nuun. Nu mbooga moos ee xam xaƴ nu nga’ir fa mi. Ne ta wooritna yee mexe ñoowaa, mi o Yaal oxe na refkaa boo faw layun, xaƴkiim muk nu nga’ir fa mi.

Esayi 1:15

Nu ndekangaa xa ƥay tee kaa nu nqeɗaa, kaam fesaa a nuun o log, yaam ndik um hel o ga a nuun. Kuu nu ndupataa ndupat a qeƭ nuun oo, nan-gilooxkiim, yaam xa ƥay axe nuun kaa yedin.

Esayi 1:12

Ndi an simu a nuun, nu ƥisiid a den mbaambir es, ndereƥ-ndereƥnaa no maax mbind es?

Xa peƭit axe 21:27

O Yaal oxe kaa sib sadax fee no soxodu we, moƴtaa sax, yaa da ƥoxottuuna a qalaat a paaxeer.

Xa peƭit axe 15:8

O Yaal oxe kaa sib sadax ke no soxodu we, a qeƭ no jofu we mat a felin.

1 Sami’el 28:6

Sawul a dalfooxa o laamit o Yaal oxe, ndaa oxeene dooniran dara, ta ref no ƭaad mbaat fo mbanjang tedu ne no saasadax oxe mbaat fo o tuleer um.

Heseki’el 20:2

Maaga, o Yaal oxe a daawnaxam fa lay um na xa ƭelem axene:

Heseki’el 33:30

Wo fee o ƥiy no kiin, wiin we na xeet of owe took of me lernooxna tabax ke fo na carind ake no pind ke, a layraa a ndeer den, oxuu refna fo o pog um, ee: ‹Acayo boog i nan-gilook fum fa lay inooru no Yaal oxe!›

Amos 8:12

A koom da mbidaa lanq ke, a njoqooyooxaa a ndetaa no kaa xotitna no ɓemb-roog o janoon boo no batand, ndeer o maag fo o gend um, a mbaaƭaa maa da nanitna fa Lay fee no Yaal oxe ndaa njegkiran.

Esayi 58:2

Ñaal oo ñaal kaa mbi’ooxaa waa na mbaaƭaxam, nen waa mbugna o and ke um cungaa da mbi. Kaa nandtaa saax laa na mbesooraa ne warna too mbaasee a ƭat ale Roog den a dalinna. Kaa nqeɗaxam kate cofu soo a mbug um ref fa den.

Heseki’el 14:1

Goor leng-leng a ndeer no maak we Isra’el a ngara me mi soo a moof mbaambir es,