Heseki’el 20:12 - NQAARIIT NE ROOG

¹² Cooxaam a den itam pes a ñootnax ke mi nen o anddiloor a ndeer es fa den, ndax da and ee mi refu o Yaal oxe na tedlandaa a den.

Heseki’el 20:12 Referans Kwoze

Heseki’el 20:20

Tedlandyo pes a ñootnax ke mi, too xan a ndef a ndeer es fa nuun o anddiloor olaa na lalitkaa yee mi refu o Yaal oxe Roog nuun.

Heseki’el 37:28

Qeet lakas ke xan a and ee mi refu o Yaal oxe na tedlandaa Ii-isra’el we, yaa um sipkaa mbind tedu es a ndeer den boo kili.»

1 Tesalonik 5:23

Yaasam Roog fee na ci’taa jam, a mayƭand a nuun fo o tedel. Yaasam ngiin nuun fop: Yiif nuun fo o laaw nuun fo cer nuun a ñak sik, boo yaa o Yaal in Yeesu Kiristaa a nomtooxiidkaa.

A paɗax ale 21:23

ndaa matkee mbaƴ ne too matkee o sadaxand ole itam, yaam kaa jeg sik no cer um. Neene, niwaƭarkee Mbind tedu ne mi, yaam mi refu o Yaal oxe tedlanduuna.»

Nehemi 9:14

Andnooraa a den bes fa tedu fee na ñootnax ale wo soo na pexey Moyiis fee o tag of, o coox a den kebil of, ke dalnoona fo a cangin of.

A paɗax ale 25:4

ndaa fat nu kesanaam o hiid o ɓetuu ɗikandeer ole. Fat a ref o hiid o muum olaa lanq ke a ñarkaa. Nu mbaree o nduuf xa qol axe nuun mbaat nu calas taxar biiñ ke nuun.

A paɗax ale 23:39

No ñaal xarɓaxay fo ñaal ƥetkandeer ne no nqool o ɓetuu ƭikandeer onqe, a cinj yaa nu saxadna duufe nuun boo ƈut, fat nu ndoofandanaam xew, mi o Yaal oxe boo ñaal ɓetuu ƭik. Ñaal eetaand ne fo ñaal ɓetuu ndadkandeer ne xan a ndef pes kaa nu ñootnooxkaa.

A paɗax ale 23:32

Fat a ref na nuun bes faa nu ñootnooxkaa, too fat nu ngooraa teen, no kaa xotitna no kirand naa no ñaal ɓetuu nahkandeer naa no nqool onqe boo no feet kirand olaa. Fat nu ngay bes a ñootnax aleene.»

A paɗax ale 23:24

ta yegin Ii-isra’el we kene: «No ñaal eetaand ne no nqool o ɓetuu ƭikandeer onqe, fat nu njeg bes faa nu ñootnooxkaa, bes fa mbetandoor faa nu mbugko luuƥaa fo o xet o tedu.

A paɗax ale 23:3

Pes ɓetuu fa leng mbare o njalaa, soo bes fa ɓetuu ƭikandeer fee a ref bes fee na ñootnax ale. Fat a jegaa teen o xet o tedu. Nu njalkee teen dara, yaam a ñootnax es oo, mi o Yaal oxe. Fat nu kesanaam o ten muu nu mbaagna o ngen.

A paɗax ale 21:15

Neene, wennoorkee xa taan um. Mi refu o Yaal oxe tedlanduuna, ndax ta jalanaxam.»

A paɗax ale 21:8

Fat nu ƭeet o saasadax oxe nen o tedu, yaam ten na ɓoxotaxam ñaamel es, mi fee Roog nuun. Fat nu tedlandin, yaam kaam ted, mi o Yaal oxe na tedlandaa a nuun.

A paɗax ale 20:8

«Fat nu ngay kebil es too ndeef a den. Mi refu o Yaal oxe jilna a nuun, ndax nu ndef xeet fa tedu es.

A sutax ale 35:2

Fat nu njalaa pes ɓetuu fa leng ke. Bes fa ɓetuu ƭikandeer fee refna bes fee na ñootnax ale kesaneema koy, o kiin oxuu jaltuuna, fat a warel.

A sutax ale 16:29

Andyo kene: Mi o Yaal oxe ci’u a nuun bes fee na ñootnax ale. Ten taxu um ci’aa a nuun no ñaal ɓetuu fa lengandeer nuu refna ke nu mbarna o ñaam no ñaal ƭik. No ñaal ɓetuu ƭikandeer ne, ba o leng a sutoox, ndaa fat a day me ta genaa.»

Mberaand 2:3

Roog a barke’a ñaal ɓetuu ƭikandeer ne, soo a kesin ta ref bes fa tedu, yaam no ñaal neene a ñootnoox’u no calel ke na sak ale.

Yudaa 1:1

Mi Yudaa, o paɗ Yeesu Kiristaa fo o ndeɓ Saak, mexe simnaa a nuun, nuun we Roog a xoyna. Kaa nu njegit o mbeq na Roog Faap fee, soo saytooxeel na pexey Yeesu Kiristaa.

Kolos 2:16

Ten taxu koy, ba o leng a ɓanj a nuun yaam ñaamel fo yerel, ba o leng a ɓanj a nuun yaam xew mbaat ke na fi’aneel o nqool o ndeɓ mbaat pes ke na ñootnax ale.

Esayi 56:2

O kiin oxe na fi’aa keene, a saƭik teen, a niw a paax bes fee na ñootnax ale soo a fañ o fi paaxeer leng, a ɗaaya!»

Yeremi 17:22

Ba nu sutit no pind ke nuun toq na bes fee na ñootnax ale too ba nu njal teen dara, ndaa tedlandyo bes fee na ñootnax ale, ne heblit’anuuma daan nuun

Heseki’el 20:26

Xoolaƭarandtaam a den sadax den, ye da sadaxtaa taaw ke den fop, ndax um diidland a den boo da and ee mi refu o Yaal oxe.»

Heseki’el 44:24

Ñimatir a jegangaa, xan a ƭat a tax da ngeenoox, too xan a ngate’it bargal es. Xan a ngay itam kebil es fo bargal es no toofeen ke mi fop, too xan a tedland pes a ñootnax ke mi.