Heseki’el 20:11 - NQAARIIT NE ROOG

¹¹ Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

Heseki’el 20:11 Referans Kwoze

O leetar ole Pool a bindna GIMU WE NGENNA ROM 10:5

Keeke refu ke Moyiis a bindna no cofel ole mbaambir Roog na pexey kebil ke: «Oxuu na fadnaa ke kebil ke a simitna, xan a ñoowtaa kebil ke.»

A cangatin ale 4:8

Xeet fa maak fum njegu bargal fo kebil kaa njofitna nen ke um cooxaa a nuun xaye?»

A paɗax ale 18:5

Fat nu ngay kebil es fo bargal es, yaam oxuu na fadnaa a den, xan a ñoowtaa a den. Mi refu o Yaal oxe.

Galati 3:12

Kaa koy, fat nu and ee kebil ke mbaqaqooree no ngim onqe. A Pind a Tedu ke kaa lay ee: «Oxuu fi’na kene mbaat kaana, xan a ñoow yaam ke ta fi’na.»

YEGIL MBAAX NE YEESU ne Lik a bindtuuna 10:28

Maaga, Yeesu a layaan ee: «Ndigil kak layo. Fi’i keene, too xan o ñoow.»

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

O leetar ole Pool a bindna GIMU WE NGENNA ROM 3:2

No kuu refna a adoorun. Eetu, Roog kaa doxin Yaawuur we fa lay um.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

Heseki’el 33:15

A daknangaa ke ta tayle’eena mbaat ke ta guuɗna, a fi’atangee njofaƭar, ndax a reefaa bargal ke no ñoow ole, xonkee, too a woora yee xan a ñoow.

A cangatin ale 4:5

Nga’angyo, mexe jangnaa a nuun bargal fo kebil, ne o Yaal oxe Roog es a heblitaxama o ten, ndax nu ndeef a den a paax kam saax le nu ndokkaa, njegkin.

A cangatin ale 30:19

Xaye mexe xotaa asamaan fo lanq, da ndef seede ndeer es fa nuun ee doonaam mbaambir nuun o ñoow ole fo fa nqon fee, barke fo a salax. Njilyo o ñoow ole, ndax nu ñoow, nuun fo xa taan nuun.

Xa peƭit axe 6:23

Xa as axe kaa ndef o lampa, a cangin ale a ref a qoolaand, soo xa soqanqol axe a ngeekaa na ƭat ale no ñoow ole.

Heseki’el 18:9

Kaa reefaa kebil es, a gayaa bargal es yaa ta fesoortaa ndigil ne. O kiin o nandu neene a jofa tigi, too a woora yee xan a ñoow. Mi o Yaal oxe na refkaa boo faw layun.

Heseki’el 33:16

Pakaad um fop xan a mbeecel, too xan a ñoow yaam ne ta reefaa a ƭat fo o cofel.