Heseki’el 2:7 - NQAARIIT NE ROOG

⁷ Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

Heseki’el 2:7 Referans Kwoze

Yeremi 23:28

Fat o tuleer oxe jegna o ƭaaɗ a wetandooxin, oxe daawna fa lay es o mat a yegnititin ne ta helitna. Xar ñaax le a daawru fo pep ke? Mi o Yaal oxe layun.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Heseki’el 3:10

A layaxam ee: «Wo fee o ƥiy no kiin, fa lay fee um laykang fop, ɓekeen no xeeñ of too nan-giloortin nof of.

Heseki’el 2:5

Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.

Yeremi 1:7

Kaa koy, o Yaal oxe a layaxam ee: «Ba o lay ee o njaaƈ refo, yaam xan o ret paam no fop we um lulkang, lay fop ke um hebilkang.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Yoona 3:2

«Inooxi, ret Niniif, na teeru fa maak faa, too lambin ke hebloonga.»

Yeremi 26:2

O Yaal oxe a layaan ee: «Geenooki no maax olaa no Mbind es, lay fop we ngenna no teeru ke Yudaa, na nqeɗiidaa no Mbind es, fop ke hebloonga o lay a den. Ba o hend teen dara!

Yeremi 7:27

Wo Yeremi, o layangaa a den keene fop, nan-gilooxkirang, o xoyangaa a den, njaaɓkirang.

Yeremi 17:20

Fat o lay a den ee: Nan-gilooxyo ke o Yaal oxe a layna a nuun, nuun maad we Yudaa fo nuun fop we ngenna Yudaa fa Yeerusaleem, na ndoktaa no tokand kene!

Yeremi 36:14

Maaga, kelfa ke fop a lula a Yehudi fee o ƥiy Netaniya, too a ref o ndaan Selemiya fo o ndanaraat Kuusi maa Baruk, ndax ta layin ee: «Xoti o laxas safe le jangoona mbaambir xeet fee too gar!» Baruk fee o ƥiy Neriya a xota o laxas safe le soo a ret maa den.

Yeremi 42:21

Feeñlaanum a nuun xaye, ndaa nu nananee o ñuxur no Yaal oxe Roog in na dara no ke ta simaxama um lay a nuun.

Heseki’el 11:25

Maaga, wetandooxaam we ƥis’eena took o hup doole ke o Yaal oxe a feeñil’axama fop.

Heseki’el 12:2

«Wo fee o ƥiy no kiin, kaa o gen a ndeer xeet fa mbaafañ: A njega a kid, ndaa naangee o nga’aa, a njeg nof, ndaa naangee o nanaa, yaam kaa ndef xeet fa mbaafañ.

Heseki’el 20:27

«Ten taxu wo fee o ƥiy no kiin, layi fo mbind Isra’el. Fat o yegin a den ee: Keeke o Yaal oxe na refkaa boo faw a layu: Daan we nuun kaa mbenoogaam yaa da laltaa ngore’aƭar na mi.

Heseki’el 33:7

Wo fee o ƥiy no kiin koy, dalnaaxoong nen o yeeyetax took mbind Isra’el. Fat o nan-giloox fa lay fee na sutooraa no don es soo maƭooxanaam a den.

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

Amos 3:13

Mi o Yaal oxe na refkaa boo faw, ref Roog fee Hupna fop, kaam ee: «Nan-gilooxaamoo, too nu njo’it we no mbind Yakoob a ƭelem es:

A sutax ale 6:29

«Mi refu o Yaal oxe. Layi a Firawon fee o maad Misira ke um laykang fop.»

Yeremi 6:28

Den fop faafañ saƭku a qoox a ndefu, a ñu’aa lakas we, a saƭik koŋ nen xanjar mbaat njelem, a ndef den fop fiifi paaxeer.

Yeremi 34:6

O tuleer Yeremi a daawna a Sedekiya fee o maad Yudaa fa lay feene fop kam Yeerusaleem.

Yeremi 44:20

Maaga, Yeremi a laya xeet fee fop, goor fo rew, fop we ndoonit’uuna neene yee:

Heseki’el 3:4

A layaxam ee: «Wo fee o ƥiy no kiin, reti no mbind Isra’el, too daawin a den fa lay es!