Heseki’el 2:6 - NQAARIIT NE ROOG

⁶ Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

Heseki’el 2:6 Referans Kwoze

Yeremi 1:8

Ba o saɗar a den, yaam mexey fa wo, ndax um watong.» O Yaal oxe layun.

Esayi 51:12

«Mi yoo, mi refu oxe na yaalaa a nuun. An refo boo saɗaraa o kiin oxe na xonkaa, o ƥiy Aadama fee muj um a refkaa nen fee no daaƭ le?

1 Piyeer 3:14

A soƥangaa sax ee, kaa nu coono’aa yaa nu mbi’aa ke jofna, nu ƭaaya. Ba nu saɗar ke wiin we a saɗaraa, too ba nu njaaxiɗ.

2 Timote 1:7

Ke Yiif le Roog a ci’na a in naagee o riñaa no deyaƭar. Kaa cooxtaa doole fo o mbeq fo o and.

YEGIL MBAAX NE YEESU ne Lik a bindtuuna 10:19

Nan-gilooxyo: Ci’aam a nuun sañ-sañ faa nu ñaaƴtaa took ƥood ke fo a beex ake fa katil ke no pañ oxe fop, too dara waagkee o gaañ a nuun.

Mise 7:4

Oxe moƴna faax na den kaa nand nen nqooc, oxe da mbi’na o cofu a moƴ o weel ngiƈ ngol. Ñaal ne na qaw ale nuun, yeeyetax we duleer we nuun a yegnitna, a fadiida, too me ta refna, nuun wey no jaq.

Yeremi 1:17

Wo Yeremi koy, humnooxi. Inooxi, ret daawin a den fop ke um hebilkang. Ba o send mbaambir den, yaam ndik um sendnoorong mbaambir den.

Mace 10:28

Ba nu mbit we mbaagna o mbar cer, too mbaagee o mbar o laaw. Oxe jarna o fitel refu Roog fee waagna o saŋik cer fo o laaw kam fiɗel laa ñufkeerna.

Mise 3:8

Mi o mat, kaam may fa doole, may fo Yiif le no Yaal oxe, may fo o cofel fo njambaar, ndax um andnoor a Yakoob tooñ um, feedin a Isra’el pakaad um.

Yeremi 18:18

Maaga, a jega waa layna yee: «Ngaryo i yuuɓan a Yeremi yuuƥ paaxeer, yaam i ñakee saasadax waa njangnitna kebil ke, yaal-o-and waa cooxna a in xa as fo duleer waa ndaawnitna fa lay fee Roog. Ngaryo i yaq ƭool um, too ba a ƭat in a yong no fop ke ta layaa a in.»

A pi ake 4:29

Ndiiki koy o Yaal oxe, ɗeeti ne da ngartoortaa a in, ci’i a in, in we na mbaɗooxang, i yegnitik fa lay of fo njambaar!

Esayi 9:18

Saax le xan a raaɓel na pexey fuux le no Yaal oxe Hupna fop, soo xeet fee a ref muud fiɗel le. O leng yirimkatee o pog um.

Hebre 11:27

O ngim tax’u Moyiis a sutoox saax laa Misira, too diid’ee fuux le no maad oxe. Kaa naag’u diŋ a saƭik wee ndax kaa ɗeetoogu oxe waagaandeena o ga.

Heseki’el 28:24

O Yaal oxe kaa tee: «Mbind Isra’el jegkatee muk a ndeer qeet ke mbiduuna na nqeefan, nen a bej akaa na ngaañaa mbaat kiƈ kaa na ndibaa, too xan da and ee mi refu o Yaal oxe.

2 Maad we 1:15

Malaaka no Yaal oxe a laya a Eliya yee: «Fudooxi, o yoon fo ten too ba o saɗarin.» Eliya a naaga daket, a yoon fo ten maa no maad oxaa.

Filip 1:28

Baa we nu ngomritaa a ndiidland a nuun. O ñak o diid nuun kaa lalit ee na saŋkax a ndefu, a lalit ee nuun o mat, nuun we na muc. Keene koy na Roog a hatu,

Efees 6:19

Nqeɗanaamoo itam, ndax a mbanuu haƥatuuma bug o lay, um jeg kaa layuuma, boo waag o andnoor kunpa ke no Yegil mbaax ne fo njambaar.

A pi ake 4:19

Piyeer fa Saŋ a ndoona a den ee: «Ƭeetyo rek! Xar moƴu jof mbaambir Roog, i nanan a nuun, ndi i nanan a Roog?

A pi ake 4:13

Yaa waa mbog’ina no Mal naa a nga’na njambaar ne Piyeer fa Saŋ, kaaga a beta a den lool, yaam a and’a yee a cang den goƭee. Kaa koy, a and’ata yee no we yoonoogna fa Yeesu a mbogu itam.

YEGIL MBAAX NE YEESU ne Lik a bindtuuna 12:4

«Kaam layan a nuun, nuun we ndefna qaariit es: Ba nu mbit we mbaagna o mbar cer, too cinj kaaga mbaagee o mbi kaa hupuuna.

Esayi 51:7

Nan-gilooxaamoo nuun we andna o cofel, nuun xeet fee njegna a cangin es na qeeñ nuun. Ba nu saɗar naqadil ke no wiin we, too ba nu send yaam a ben ake den.

Yeremi 6:28

Den fop faafañ saƭku a qoox a ndefu, a ñu’aa lakas we, a saƭik koŋ nen xanjar mbaat njelem, a ndef den fop fiifi paaxeer.

Mbeeñil 9:10

Kaa njeg’u a las akaa saqna xa peen nen a beex ake. Na las den akeene koy, doole fee da mbi’taa wiin we paaxeer boo a qool a ƥetak a reeƭu.

Heseki’el 24:3

Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!

YEGIL MBAAX NE YEESU ne Lik a bindtuuna 11:12

Ndi a xeɗangaan ɓoof ndax xan a ci’in a beex?