Heseki’el 2:5 - NQAARIIT NE ROOG

⁵ Ta ref ee a nan-gilooxa mbaat da mbañ o nan-giloox, yaam xeet fa mbaafañ a ndefu, xan da and ee o tuleer oxey a ndeer den.

Heseki’el 2:5 Referans Kwoze

Heseki’el 33:33

Yaa keene layoona a fadnooxkaa, too a fadiida boo a ƴut sax, xan da and ee a jeg’a o tuleer a ndeer den.»

Heseki’el 3:27

Kaa koy, a mbanuu jeguuma kaa layoonga, xam waagnoorong fa lay. Maaga xan o lay a den ee: ‹Keeke o Yaal oxe na refkaa boo faw a layu: Fat oxe bugna o nan-giloox, a nan-giloox, soo oxe bugeerna o nan-giloox, a fañ o nan-giloox›, yaam xeet fa mbaafañ a ndefu.»

YEGIL MBAAX NE YEESU ne Saŋ a bindtuuna 15:22

Um layiid’angee fa den, njegkoogee bakaad, ndaa ndiiki, ye da andna ndigil ne, soo a mbañin o ndeef, njegkee qañatiloor.

A pi ake 13:46

Maaga, Pool fa Barnabaas a laya a den a qool qac ee: «Nuun o mat fa lay fee Roog a war’e eet o waare. Kaa koy, ne nu mbañuuna, nu ngate’ana a qoox nuun ee o ñoow o fagkeer ole a jomba a nuun. Ten taxu in we ndetaa farna fo we ndefeerna Yaawuur.

Heseki’el 2:7

Xan o daawin a den fa lay es, ta ref ee a nan-gilooxa mbaat da mbañ o nan-giloox yaam o saƭik xoox den.

O leetar ole Pool a bindna GIMU WE NGENNA ROM 3:3

Xar na laykeel boog, a soƥangaa yee leng-leng na den kaa ngore’aƭar’u? Ndax ngore’aƭar den neene a waaga o riñ a Roog no gore’aƭar?

Heseki’el 33:9

Kaa koy, o maƭooxangaa o soxodu, ndax o ɗapnoorin a pesoorooƭ um, too fesee a cinj a pesoorooƭ um, xan a xon kam njofaƭar um, soo wo o mat o ɓogoox teen qac.»

Heseki’el 3:19

Kaa koy, o maƭooxangaa o soxodu xe too fesee kañaan um fo a ƭat a paaxeer um a cinj, xan a xon yaam njofaƭar um, ndaa wo o mat, xan o ɓogoox teen qac.

Yeremi 36:21

Maaga, o maad oxe a lula a Yehudi, ta xotik o laxas safe le. Yehudi a xottaan na ndok Elisama fee o piibind oxe, a jangin mbaambir no maad oxe fo kelfa ke ngeenoox’ina paam o maad oxe fop.

Yeremi 42:19

Nuun yoqatin we Yudaa, o Yaal oxe layu a nuun ee ba nu ndet Misira! Andeenoo a paax, mexe woornan a nuun xaye!

Heseki’el 12:9

«Wo fee o ƥiy no kiin, ndax mbind Isra’el, xeet fa mbaafañ feene laamtirang ee: ‹Xar o fi’aa kene?›

Heseki’el 44:6

Fat o lay faafañ we mbind Isra’el ee: «Keeke o Yaal oxe na refkaa boo faw a layu: Nuun mbind Isra’el, deyƭooxaam sik na pi a cednooxu ke nuun!

2 Maad we 5:8

Ye Eliise fee o kiin Roog a yegna yee o maad oxe Isra’el kaa faar’u toki um, a lulta, ndax ta layanel o ten ee: «Xar o faaranaa toki of? Xaƴi o kiin oxeene ta gar me mi, too xan a and ee o tuleer Roog oxey kam Isra’el.»

Heseki’el 3:26

Xam taƥin ɗelem of no faƭanq of, too xan o muumat boo waagkatiro o xasan a den, yaam xeet fa mbaafañ a ndefu.

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 24:3

Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!