Heseki’el 2:3 - NQAARIIT NE ROOG

³ A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Heseki’el 2:3 Referans Kwoze

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»

A cangatin ale 9:24

Naa andum a nuun, nu nananee o ñuxur no Yaal oxe.

O leetar ole Pool a bindna GIMU WE NGENNA ROM 10:15

Kaam ee nam a waare’itkeel, yaa o leng a lulaandeena? Yaag oo toox de, a Pind a Tedu ke kaa lay ee: «Ndaw o jaf o mosu, no xaa na yegnitaa yegil mbaax!»

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Yeremi 36:2

«Waaƭi o laxas safe, bind teen fa lay fee layoonga fop no maat ne Isra’el fo ne Yudaa fo no qeet ke fop no kaa xotitna a koom alaa layuuma fa wo, na jamaane Yosiya, boo xaye.

Yeremi 7:2

«Geenooki na carind ale no Mbind ne no Yaal oxe soo falaloox maaga yee: ‹Nuun Yuuyudaa we fop na ndoktaa na carind akene, ndax nu mbaɗoox o Yaal oxe, nan-gilooxyo ke o Yaal oxe a layna!

Yeremi 1:7

Kaa koy, o Yaal oxe a layaxam ee: «Ba o lay ee o njaaƈ refo, yaam xan o ret paam no fop we um lulkang, lay fop ke um hebilkang.

A kim a tedu ke 106:28

A ndefa no mbaɗooxaa a Baal-Pe’oor, a ñaamaa sadax ke ƥoxoteena roog ñooweer ke.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Esdaraas 9:7

No kaa xotitna no camaane kaa no daan in boo xaye tooñ in a magna lool, too pakaad in taxu i ƥoxotel, in fo maad in fo saasadax in, na xa ƥay no maad jan, ndax i mbarel, ƥisel took o hup doole, ngefel soo neewandel, ne ta maadna o refaa boo xaye.

A cangatin ale 9:27

Wetandooxi dag of Abraham fa Isaak fa Yakoob too ba o damit xeet fene o saƭik xoox den fo kañaan den fo pakaad den,

A lim ale 20:10

Moyiis fa Aaroon a nqoyna mbokatax ne mbaambir ɓil le. Maaga, Moyiis a laya a den ee: «Nan-gilooxyo boog, nuun faafañ we! Ndax nu mbooga moos ee i mbaaga o sutanit a nuun foofi no ɓil leeke?»

Heseki’el 17:12

«Layi xeet fa mbaafañ fee yee: Ndax kaa nu andee ke keene a tekitna? Layi yee: Nga’angyo, o maad oxe Babilon a reta Yeerusaleem, a xotit maaga o maad oxe fo kelfa ke soo a ɓis a den Babilon.

Heseki’el 24:3

Naxooxi xeet fa mbaafañ fene yee: Keeke o Yaal oxe na refkaa boo faw a layu: Deeni a kaleera le, kaam ee deeneen, liƴin itam!

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

Amos 7:15

O Yaal oxe a andaan, too yaqanee ta xottaam na las ake no paal ke, a layaam ee: ‹Inooxi ret yegnitik fa lay es ndeer Ii-isra’el we xeet es.›

2 Maad we 17:14

Kaa koy, nan-gilooxee, a saƭik a qoox, ne daan den we ngim’eerna no Yaal oxe Roog den a saƭkit’ina a qoox.

2 Maad we 17:15

Kaa ndeɓ bargal ke no Yaal oxe fo ngiɓoor ne ta dalin’ina fo daan we den fo a maƭax ake ta maƭoox’ina a den, a ndeefaa xa koɓong boo a ndefat xa koɓong. Kaa ngiɓoor’u fo qeet ke mbid’ina a den, ke o Yaal oxe a xañit’ina a den da laal a den fop oo.

Esayi 30:1

O Yaal oxe kaa tee: «Sabab took xa ƥiy axe nananeerna! Kaa da yuuɓaa too mbokatkiraam teen soo a ndalnaa kiɓoor kaa njagooreerna fo Yiif es. Neene, kaa da cokrandaa bakaad took fa ngend um.

Yeremi 44:20

Maaga, Yeremi a laya xeet fee fop, goor fo rew, fop we ndoonit’uuna neene yee:

Malaki 3:7

No kaa xotitna no camaane kaa no daan we nuun kaa nu ngoƭatir fo kebil es, mbañ o ndeef a den. Mi o Yaal oxe Hupna fop, kaam ee: Nomtooxiidyo me mi boog, too mi yoo xam nomtooxiid me nuun, ndaa kaa nu laamtaa yee: «Xar i mbi’u boo o layaa a in keene?»,