Heseki’el 2:1 - NQAARIIT NE ROOG

¹ O ñuxur ole a layaxam ee: «Wo fee o ƥiy no kiin, naagi daket geenoox, too xam lay fa wo!»

Heseki’el 2:1 Referans Kwoze

Dañel 10:11

Cinj kaaga, a layaxam ee: ‹Wo Dañel, o koor oxe Roog a fexna, andi ke um layiidang. Inooxi geenoox, yaam kaam luliidel me wo.› Ye ta layaxama keene, naagaam daket, sendaa.

Heseki’el 4:1

«Ndiiki koy, wo fee o ƥiy no kiin, xoti muul, diƈin mbaambir of, soo samandaal teen teeru, ta ref a Yeerusaleem.

Heseki’el 3:17

«Wo fee o ƥiy no kiin, dalnaaxoong o ref o yeeyetax no mbind Isra’el. Fat o maƭooxanaam Ii-isra’el we, yaa o nankaa fa lay es.

Heseki’el 5:1

«Wo fee o ƥiy no kiin, jangi laƥ mbeelu, jiriiñoorin nen tuusir o raataam. Xan o ruustin xoox of fo o raataam of, cinj kaaga o eed wiil le soo saamin.

Heseki’el 3:4

A layaxam ee: «Wo fee o ƥiy no kiin, reti no mbind Isra’el, too daawin a den fa lay es!

Heseki’el 3:1

O ñuxur ole a layaxam ee: «Wo fee o ƥiy no kiin, ñaami ke ga’oona, ƴaxi o laxas a pind oleene too ret lay fo mbind Isra’el.»

A pi ake 9:6

Inooxi rok kam teeru fee! Xan o layel ke waroona o fi.»

A pi ake 26:16

Inooxi too geenoox! Kaam feeñooxong, ndax um fi’ong o tag es. Xan o ref o seede es, layaa lakas we ne ga’taxamoona xaye, ndax o yegnaa a den ke um lalkahinang.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

YEGIL MBAAX NE YEESU ne Saŋ a bindtuuna 3:13

O leng mosee o ŋaay na asamaan, a refangee oxe fudooritna na asamaan, ta ref o Ƥeenqe no kiin oxe genna na asamaan.

Mace 17:7

Maaga, Yeesu a matiida, a duq a den, too a lay ee: «Inooxyo, ba nu ndiid!»

Dañel 10:19

Cinj kaaga, a layaxam ee: ‹O koor oxe Roog a fexna, ba o saɗar! Dara damkirang! Saƭakinooxi, jeg njambaar!› Ne ta layoogna fa mi, doole es a nomtooxiida, too layaam ee: ‹O yaal es, layi, yaam saƭakinaxamo.›

Dañel 8:17

Gaburi’el a gara boo paam me reeƭuuma, too ye ta matiidaxama, diidaam soo deɓoox a lanq, gung. A layaxam ee: ‹Wo xe o kiin doŋ, andi yee mbeeñil neene kaa jagin no muukandoong adna.›

Heseki’el 37:3

Maaga, a laamtaxam ee: «Wo fee o ƥiy no kiin, ndax xa kiiƈ axene a mbaaga o ñoowatin?» Um doonin ee: «O Yaal oxe na refkaa boo faw, wo soom andun.»

Heseki’el 20:3

«Wo fee o ƥiy no kiin, layi fo maak we Isra’el. Fat o yegin a den ee: Keeke o Yaal oxe na refkaa boo faw a layu: Ndax o nga’ir fa mi taxu nu ngar? Ne ta wooritna yee mexe ñoowaa, xaƴkiim nu nga’ir fa mi muk. Mi o Yaal oxe na refkaa boo faw layun.

Heseki’el 17:2

«Wo fee o ƥiy no kiin, cooxti a nax-o-gut, lay we no mbind Isra’el a naxax.

Heseki’el 16:2

«Wo fee o ƥiy no kiin, andnoori a Yeerusaleem cednooxu ke ten!

Heseki’el 15:2

«Wo fee o ƥiy no kiin, xar o juuƭ ndaxar biiñ ole a huptu o juuƭ o lakas oluu refna? Xar a refu no par ole refna ndeer taxar ke no suungaan le?

Heseki’el 14:13

«Wo fee o ƥiy no kiin, saax a tooñangaam yaa ta soobooxna no ngore’aƭar, xan o ɓay es a dal took um, um yaq ñoowir um, hebliid took um biim soo war wiin we fo cegel ke.

Heseki’el 14:3

«Wo fee o ƥiy no kiin, goor weene kaa saq na qeeñ den pangool ke den, a ndoon mbaambir den ɓil le na tolofnooraa, a maafnooraa a den na bakaad. Ndax xam jaɓ da nga’ir fa mi?

Heseki’el 13:2

«Wo fee o ƥiy no kiin, jo’tanaam duleer we Isra’el na mbi’ooxaa joojo’it. Fat o lay we na njo’taa katu na qeeñ den ee: Nan-gilooxyo fa lay fee no Yaal oxe!

Heseki’el 12:3

Wo fee o ƥiy no kiin, fi’ani a xoox of o fof o raayir, soo raay njoloor o mbuc na kid den. Jangoorti no mbiñ onqe refoona nen oxaa na ɓiseel took o hup doole, jof o mbiñ o lakas na kid den. Xeƈa xan da and ee xeet fa mbaafañ a ndefu.

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Heseki’el 3:10

A layaxam ee: «Wo fee o ƥiy no kiin, fa lay fee um laykang fop, ɓekeen no xeeñ of too nan-giloortin nof of.

Heseki’el 2:8

Wo fee o ƥiy no kiin o mat, nan-gilooxi ke um layang! Ba o ref o paafañ nen xeet fa mbaafañ feene! Yaƥati o don of, ñaam ke um cooxkang.»

Heseki’el 2:6

Wo fee o ƥiy no kiin, ba o saɗar a den, too ba o saɗar fa lay den, ke o refkaa ref a ndeer takar-ñiig fo tomb soo moof fo a beex fop oo. Ba o saɗar fa lay den too ba o send mbaambir mukit den, yaam xeet fa mbaafañ a ndefu.

A kim a tedu ke 8:4

Um ɗeetangaa ɗeet asamaan fee saktoona xa ƥay of, o nqool onqe fo xa qoor axe sipoona teen,

Heseki’el 2:3

A layaxam ee: «Wo fee o ƥiy no kiin, mexe lulang me no Ii-isra’el we, xeet fa mbaafañ feene siiknoorna fa mi. Boo xaye, den fo daan den kaa ngodaam.

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

Heseki’el 43:18

O koor oxe a layaxam ee: «Wo fee o ƥiy no kiin, keeke o Yaal oxe na refkaa boo faw a layu: Kene ndefu bargal ke njaginna no sadaxand ole yaa ta maxkeel ndax sadax toxel ke a ƥoxoteel teen, fo’oy le a wiiseel teen.