Heseki’el 19:9 - NQAARIIT NE ROOG

⁹ A ɓeke no korka fo xa keɗ, a ɓisel maa no maad oxe Babilon. A ɓise no saŋe, ndax o ñuxur um nankataand took xa coong axe Isra’el.»

Heseki’el 19:9 Referans Kwoze

2 Caloori ke 36:6

Nebukadnesaar fee o maad oxe Babilon a inooxana a Yoyakim, a damin, a jengtin ceen xanjar soo a ɓisin Babilon.

Heseki’el 6:2

«Wo fee o ƥiy no kiin, geleerooxi farna fo xa coong axe Isra’el, too jo’tanaam a den paru na den.

Heseki’el 36:1

«Wo fee o ƥiy no kiin, jo’tanaam xa coong axe Isra’el! Fat o lay ee: Nuun xa coong axe Isra’el, nan-gilooxyo fa lay fee no Yaal oxe!

Heseki’el 19:7

A bayta pind mosu ke den soo a gef teeru ke den. Saax le fo fop we ndeeƭna teen a ndiida, ye da nanna fangax le no bumb ole ten.

2 Maad we 24:15

A damta o maad Yoyakin Yeerusaleem, a ɓisin took o hup doole kam Babilon, ten fa ya um fo rew we ten fo cawdiin ke ten fo wiin maak we Yudaa fop

2 Maad we 19:28

Ne fuuxanaxamoona, soo a magnandax of a nannoox no nof es, xam rokong o heɗ no ñis fo a laxaaɓ no don soo nomtong cook no mbind of, o xotatin a ƭat ale garit’oona garit.

2 Maad we 23:33

Maat um a faga, ye Neko fee refna Firawon fee a jenguuna kam Ribla no saax laa Hamat. Neko a sepa saax le Yudaa a bateer ngap parig qarɓeen tadik fo parig nahik xaaliis fa nqoolu fo ngap kilo qarɓeen tadik fo kilo nahik wurus.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Heseki’el 34:4

Nu yablee we yooyna, nu mbaadnee we njirna, nu njongee we ƥolooxna, nu nquriidee we njaqooxna, nu mbaaƭee we mo’na, ndaa kaa nu ngame a den fa doole fo o ɗom tig.