Heseki’el 19:8 - NQAARIIT NE ROOG

⁸ Qeet lakas ke mbiduuna fo maat ke a mbogooxanaan. A letna took um mbaal den, too a naage nuus no gamb le den.

Heseki’el 19:8 Referans Kwoze

Heseki’el 19:4

Qeet ke a nana ta layteel. A ndamaan no gamb soo a ƥistin xa keɗ no ñis no saax laa Misira.

Heseki’el 12:13

Xam letin mbaal ne mi took um, too xan a damel no mbog ne mi. Xam ɓisin Babilon, saax le no Kaakalde we, ndaa taxkee ta doonin a ngid, too xan a xonit maaga.

Heseki’el 17:20

Xam letin mbaal es took um, too xan a naagel nuus no mbog ne mi. Xam ɓisin Babilon, too maaga, xam layoor fo ten no ngore’aƭar ne ta fi’axama.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»

2 Maad we 24:11

Ye dag weene a mbidaa teeru fee Yeerusaleem o kurul-keƥ, o maad Nebukadnesaar a garana a xoox um, a song teeru fee.

Heseki’el 19:7

A bayta pind mosu ke den soo a gef teeru ke den. Saax le fo fop we ndeeƭna teen a ndiida, ye da nanna fangax le no bumb ole ten.

Yeremi 22:19

Xan a gastel nen o faam, a ɗooqel soo a deɓel tafil tokand ke Yeerusaleem.»