Heseki’el 19:12 - NQAARIIT NE ROOG

¹² Kaa koy, a fuur’e fo fuux ɗomu, a deɓel a lanq. Nqeñ ne no batand a weerna xa tim axe ten, xa par xa maak axe a mbastoox soo a mbeer. Fiɗel le a raaɓa a den.

Heseki’el 19:12 Referans Kwoze

Hoose 13:15

Efrayim a bug oo neep nen ndaxar a ndeer no fog um, ndaa nqeñ ne no batand xan a gar, buuƭ ne no Yaal oxe a yoɗoor na koƥ-a-ƥor ale. Xan a ŋiisin kas ke ten, a weerin a cur ake ten, kalal ke ten fo tig oo tig cegu njiriiñ ke ten fop a mbaltel.

Heseki’el 17:10

Ten oo xeene a jimbe: Ndax xan a neq? Nqeñ ne no batand a daawangaan, ndax no ndigil weerkee? Xan a weer no lanq ke ta saxna.»

Esayi 27:11

Yaa a naaq ake a mbeerkaa, xan a ƥolel, rew we a ngar, a umbik a den. Ii, xeet feene njegee yiif. Ten taxu oxe sakuuna jegee o liir no ten, oxe mooluuna yirmiran.

Heseki’el 19:11

Kaa jeg’u xa par xa maak xa mosu, axaa ndefoogatna xa samb no maad. Geel um kaa yoɗ’un, ta garit kol niɓu ke took. A waag’e o ga a paax na pexey geel um fo xa par xa mayu xe ten.

Heseki’el 15:4

Kaa umbeel na fiɗel le na raaɓkan. Fiɗel le kaa doxaa cat ƭik ke, soo a ndeer ale a dox. Ndax xan a faaxat o jaltel tig?

Yeremi 31:28

Ne fexeyantuuma a den, ndax um fuur, jiƭit, yaq, saŋik soo fi paaxeer, neene um fexeyanitkaa a den, ndax um max soo jimb.» O Yaal oxe layun.

YEGIL MBAAX NE YEESU ne Saŋ a bindtuuna 15:6

Oxuu saxeerna na mi, xan a deɓel tafil nen o par o ɗege, too xan a weer. A weerangaa koy, xan a deɓel na fiɗel, a doxik.

Mace 3:10

Ndiiki, ɓaax le a sipe na puƭ ake no taxar ke. Ndaxar nuu rimkeerna xa tim xa paax, xan a godel, a deɓel kam fiɗel laa.

Heseki’el 28:17

Yegaa a xoox of yaam o mosel ole wo, sooƴnit o and ole wo o ndam onqe wo. Deɓaaxoong a lanq, liilong mbaambir no maad we, ndax da mbuudang.

Yeremi 22:30

Keeke o Yaal oxe a layu: «Mbindyo na safe ke no caloori ke no koor oxene nen oxaa jegeerna o ƥiy, nen oxaa o ñoow um a yaqooxna. O leng na xa taan um waagkee o moof took uum-maamaad le Dawid, a maadoox took Yudaa.»

A kim a tedu ke 80:16

saytoox ke a ñamaak of a jimbna, o ƥiy onqene yaranoona a xoox of.

A kim a tedu ke 52:5

Paaxeer moƴanong paax, soo xa maaƥ a moƴanong ndigil. A maaf

2 Maad we 24:6

Yoyakim a daba daan um, soo Yoyakin fee o ƥeem a rondandin.

2 Maad we 23:34

Cinj kaaga, Neko a dalna a Eliyakim fee o ƥiy Yosiya o maad, ta rondand a faap um no maat naa, soo a supit gon le Eliyakim, ta refat Yoyakim. Yowahas koy, a ɓisaan Misira, soo ta xonit maaga.

2 Maad we 23:29

No maat Yosiya, Neko, a ref Firawon fee o maad Misira a adooxana xiixire we ten, da njagin no xuluɓ olaa Ofrat, ndax da ƈufgik o maad oxe Asuur. O maad Yosiya a jeema o xañit Miimisira we da suur, ndaa ye Firawon fee a ga’uuna rek, a waraan. Keene xe xewit’a Megido.

A cangatin ale 32:22

Fiɗel le no fuux le mi a kaƥa, too kaa raaɓaa boo kam ee kam jaaniif, a sooynaa lanq ke fo ke da mbatna, a doxaa a per ake na xa coong axe.

A cangatin ale 29:28

O Yaal oxe Roog in jegu ke ɗasna, i njeg ke i mbeeñleena, refna fa lay fee no kebil kene i mbarna o ngay, in fo xa ƥiy in boo kili.»

Esayi 27:8

Ha’aa, ndaa a raxa a den, a sut a den saax le. Neene a xawtu a den. A koom alaa fo a und ale no batand, a raxta a den haaƭ jegu doole le ten.

A ƭomatax ake 2:1

Xar oo kene? Kam fuux um o Yaal oxe a muura a Siyoŋ o ndoog onqe fo o niɓaan. A maafa junjang o ndam onqe Isra’el cuqoogna a asamaan. Ye fuux le ten a biltooxanna a Siyoŋ, wetandooxee yee ten reeƭu me ta doonaa a caf um.

Yoona 4:8

Ye njeeƈ ne a watna, Roog a wuuɗiida mbooyo sumu ta hatiid no batand. Njeeƈ ne a xawa a Yoona no xoox boo ta yisat. Fa nqon doŋ a xeɗoogatu, a layaa yee: «Fa nqon sax moƴanataxam o ñoow.»

Heseki’el 15:2

«Wo fee o ƥiy no kiin, xar o juuƭ ndaxar biiñ ole a huptu o juuƭ o lakas oluu refna? Xar a refu no par ole refna ndeer taxar ke no suungaan le?