Heseki’el 19:1 - NQAARIIT NE ROOG

¹ «Wo koy, yoɗi a kim a ƭomatax no gelwaar we Isra’el.

Heseki’el 19:1 Referans Kwoze

Heseki’el 27:2

«Wo fee o ƥiy no kiin, ferani a Tiir a kim a mboy!

Heseki’el 26:17

Xan a mberanong a kim a mboy ee: ‹Nam saŋkoorto, nam moocto na xa maag axe, wo teeru fa njegu gon fee, jeg’ina katil took o maag ole, wo fo we ngenna me wo? Kaa o diidlandoogu fop we ngenna no maag ole.

2 Maad we 24:6

Yoyakim a daba daan um, soo Yoyakin fee o ƥeem a rondandin.

Heseki’el 19:14

Fiɗel le a sutoora na xa par axe ten soo a raaɓ xa car axe ten fo xa tim axe ten. Jegatee o par o maak o mosu laa waagatna o ref o samb no maad.» Keene kaa ref a kim a ƭomatax alaa wareena o gimit ne ta refitna.

Heseki’el 2:10

A dortaan mbaambir es, ta bindel na xa saax xa ƭaq axe. Kaa bind’el teen ee: «Ƭomatax, a coytax, xa iin.»

2 Maad we 24:12

Maaga, Yoyakin fee o maad Yudaa fa ya um fo dag we ten fo jaajal we ten fo cawdiin ke ten a sutoora na teeru fee, a ƥoxotoox no maad oxe Babilon, soo ta fi a den faɗ. Keene oxe jopir’a no hiid ɓetuu dadkandeer ole no maat Nebukadnesaar.

2 Maad we 23:34

Cinj kaaga, Neko a dalna a Eliyakim fee o ƥiy Yosiya o maad, ta rondand a faap um no maat naa, soo a supit gon le Eliyakim, ta refat Yoyakim. Yowahas koy, a ɓisaan Misira, soo ta xonit maaga.

Heseki’el 32:18

«Wo fee o ƥiy no kiin, feri a kim a mboy took wiin mayu we ngenna Misira, fudni a den, den fo qeet cegu doole ke kam jaaniif, da yoon fo we na mbudooxaa kam gamb le na saŋkax ale.

Heseki’el 32:16

Keene refu a ƭomatax ale, too xan a gimeel. Mboƥ ndoog ne no qeet ke xan a ngimaa a ƭomatax aleene. Xan a ngimanan a Misira fo wiin mayu we ngenna teen. Mi o Yaal oxe na refkaa boo faw layun.»

Heseki’el 27:32

Kam naqad den, xan a mberanong a kim a mboy, a njoytooxang ee: ‹An nand’u nen a Tiir, nen a teeru fene gefeena tuƈ a ndeer o maag ole?›

A ƭomatax ake 5:12

A ndoka kelfa ke o ƥaak no cok, too nogoy we ci’aand cer.

A ƭomatax ake 4:20

Oxe i ngaɗ’ina o ñoow in no ten, o maad oxe o Yaal oxe a ɗuumna, a naage nuus kam gamb le den, ten oxe i layoogna yee: «Xan i ñoow no yook um a ndeer qeet lakas ke.»

Yeremi 24:8

Ne xa tun xa paaxeer axe mbaaxaƭarna mbaaxaƭar, boo mbaagataand o ñaam a mbi’eel, neene um fi’kaa a Sedekiya fee o maad Yudaa, kelfa ke ten fo yoqatin we Yeerusaleem, we yoqna no saax lene fo we ngenna no saax laa Misira. Mi o Yaal oxe layun.

Yeremi 24:1

O Yaal oxe a lalaxam a ƭamba ƭak xa tun akaa ndiƈeena mbaambir Mbind ne no Yaal oxe. Keene a reeƭa a cinj ye Nebukadnesaar fee o maad oxe Babilon a damitna a Yoyakin fee o ƥiy Yoyakim Yeerusaleem, a ɓisin took o hup doole kam Babilon, ten fo kelfa ke Yudaa, daadaaƴ we fo faal tafax we.

Yeremi 22:30

Keeke o Yaal oxe a layu: «Mbindyo na safe ke no caloori ke no koor oxene nen oxaa jegeerna o ƥiy, nen oxaa o ñoow um a yaqooxna. O leng na xa taan um waagkee o moof took uum-maamaad le Dawid, a maadoox took Yudaa.»

Yeremi 22:28

Kaa laamteel ee: «Ndax Yoyakin fene kaa ref nqaw ƭok naa jiriiñateerna tus, a gef, o ƥaxañ olaa o leng a bugateerna? Xar taxu da ndeɓel, ten fo xa taan um, a ndaxel no saax laa da andeerna?»

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

2 Caloori ke 36:10

Farna fo o hiid o xas ole, o maad Nebukadnesaar a ɓisaan Babilon ten fo xa ƥaxañ xa cegu njiriiñ axe no Mbind ne no Yaal oxe soo a dalin a Sedekiya fee faap ndeɓ Yoyakin ta maadooxaa kam Yudaa fa Yeerusaleem.

2 Caloori ke 36:6

Nebukadnesaar fee o maad oxe Babilon a inooxana a Yoyakim, a damin, a jengtin ceen xanjar soo a ɓisin Babilon.

2 Caloori ke 36:3

Neko fee o maad oxe Misira a fudnaan no maat naa kam Yeerusaleem soo a ser saax laa a bateer ngap parig qarɓeen tadik xaaliis fa nqoolu fo ngap kilo qarɓeen tadik wurus.

2 Caloori ke 35:25

Yeremi a gimana a Yosiya a kim a mboy, giigim we fop, goor fo rew, a ngimana a Yosiya a kim a mboy akaa maadna o ngimeel boo no ñaal roog ne xaye, ne ta dalniteena kam Isra’el. A kim akeene kaa mbindel na kim a ƭomatax ake.

Heseki’el 19:2

Fat o lay ee: Cey, ya of soo reeƭu njogoy ƥasil ndeer cogoy ke. Kaa wondoox’u a ndeer fo njogoy fo njanglax ne, a ñoownaa xa ƥeem.

Heseki’el 28:12

«Wo fee o ƥiy no kiin, ferani o maad oxe Tiir a kim a mboy! Fat o layin ee: Keeke o Yaal oxe na refkaa boo faw a layu: Kaa o reeƭu o anddiloor no ñak sik, may muut fo o and, saq o mosel o jegee sik.

Heseki’el 32:2

«Wo fee o ƥiy no kiin, yoɗani a Firawon fee o maad Misira a kim a ƭomatax! Fat o lay ee: Kaa o nandtoogu o njogoy o njanglax ndeer a saax ake, ref nen fa noox kam xa maag axe. Kaa o balnoogu xa quluɓ axe wo, noottaa poofi ke a caf of, jiqtaa a kal ake den fop.

Amos 5:1

«Nuun mbind Isra’el, nan-gilooxyo a ƭomatax es took nuun.