Heseki’el 18:9 - NQAARIIT NE ROOG

⁹ Kaa reefaa kebil es, a gayaa bargal es yaa ta fesoortaa ndigil ne. O kiin o nandu neene a jofa tigi, too a woora yee xan a ñoow. Mi o Yaal oxe na refkaa boo faw layun.

Heseki’el 18:9 Referans Kwoze

Habakuk 2:4

Xeet feene kaa magnandoox too njofee. Kaa koy, o cofu xe xan a ñoow, yaam ne ta gimna na Roog.»

Heseki’el 20:11

Cooxaam a den bargal es, andnoor a den kebil es ke o kiin oxe a warna o fadin, ndax ta ñoowit na den.

Amos 5:4

Keeke o Yaal oxe a layu mbind Isra’el: «Me mi nu mbaru o ngar, nu mbugangaa o ñoow.

Heseki’el 18:17

Lalitkee o hup doole took no toroxu xe, rawnitkee took o yaakaar teen tig mbaat ta hupal no ndimand, a reefaa kebil es soo a gayaa bargal es, oxeene xonkee yaam tooñ ne faap um, a woora yee xan a ñoow.

1Saŋ 2:29

Yaam ne nu andna yee Roog a jofa, andyo itam ee oxuu na fi’aa ke jofna, o ƥeem a refu.

O leetar ole Pool a bindna GIMU WE NGENNA ROM 1:17

Yegil mbaax ne kaa feeñlaa ne o kiin a waagna o jofit mbaambir Roog, ta ref na pexey o ngim onqe boo no ngim, ne a Pind a Tedu ke a laytuuna: «Oxuu Roog a ɗeetna nen o cofu yaam o ngim um, xan a ñoow.»

1Saŋ 3:7

Xa teɓandoong es, ba o leng a nax a nuun. Oxuu genna no fi’aa cofu, a jofa ne ta jofitna, ten fa xoox um.

A pi ake 24:16

Ten taxu mi itam oo, um jeemaa kili o jeg yiif dalu laa jegeerna ƥanjel mbaambir Roog fo mbaambir no wiin we.

YEGIL MBAAX NE YEESU ne Saŋ a bindtuuna 14:21

Oxe na gayaa ke hebluuma, ten fexaxam, too fexaxama, xan Faap fee a fexin. Mi itam, xam fexin, too xam feeñlin oxe refuuma.»

YEGIL MBAAX NE YEESU ne Lik a bindtuuna 1:6

Den ɗik fop a njof’a mbaambir Roog, a ndeefaa kebil ke fo bargal ke no Yaal oxe ne waritna.

Amos 5:24

Ke buguuma refu a ƭat ale na xayaa nen a ƈufnand, o cofel ole na ɓunaa nen xur fa ŋiiskeer.

Amos 5:14

Naaɓyo paax, paaxeer nu ƈufin! Nu mbi’angaan, xan nu ñoow, too o Yaal oxe Roog fee Hupna fop xan a ref fa nuun, ne nu mboogtuuna.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

Heseki’el 36:27

Xam ɓek Yiif es na nuun too xam fi boo nu ndeef kebil es, ngay bargal es.

Heseki’el 33:15

A daknangaa ke ta tayle’eena mbaat ke ta guuɗna, a fi’atangee njofaƭar, ndax a reefaa bargal ke no ñoow ole, xonkee, too a woora yee xan a ñoow.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

A cangatin ale 11:1

«Fat nu mbex o Yaal oxe Roog nuun, ngayaa kili ke ta simitna fo ke ta jangnitna, bargal um fo kebil um.

A cangatin ale 5:1

Moyiis a xoyna Ii-isra’el we fop, a lay a den ee: «Nuun Ii-isra’el we, nan-gilooxyo bargal ke fo kebil ke um daawnaa a nuun xaye. Aqatooxyo a den, ngay a den, ndax nu ndeef a den.

A cangatin ale 4:1

«Ndiiki koy, nuun Ii-isra’el we, nan-gilooxyo ndax nu ngay bargal ke fo kebil ke um jangnaa a nuun. Neene, xan nu ñoowaa soo njang saax le o Yaal oxe Roog fee no daan nuun a ci’na a nuun, nu njegkin.

A paɗax ale 18:5

Fat nu ngay kebil es fo bargal es, yaam oxuu na fadnaa a den, xan a ñoowtaa a den. Mi refu o Yaal oxe.

O leetar ole Pool a bindna GIMU WE NGENNA ROM 8:1

Ndiiki boog, a qaw a leng jegkatee no we mbogna na Kiristaa Yeesu,

Heseki’el 11:12

Maaga, xan nu and ee mi refu o Yaal oxe. Nu ndeefee kebil es too nu ngayee bargal es, ndax ndeefaa o mbaax onqe no qeet ke mbidna a nuun.»

Heseki’el 18:10

Oxeene kiin koy a waaga jeg o ƥiy onqaa refna saasaay, a gen no ɓaxaa fo’oy mbaat ta doonaa o pog um leng na pi akeene,

Heseki’el 18:19

Kaa nu layaa yee: ‹Xar taxu o ƥiy onqe naagee o gadooxaa tooñ faap um?› O nanangaan kaa o ƥiy onqe a fesoor a ƭat fo o cofel, a gay soo a reef bargal es fop, too a woora yee xan a ñoow.

A cangatin ale 6:25

Boo i ngayna kebil keene fop ndax i ndeef a den, ne ta heblituuna a in, xan i njof mbaambir no Yaal oxe Roog in.› »

1 Maad we 9:4

Wo o mat, boo damooxoona na mi ne faap of Dawid a damooxit’ina na mi fo xeeñ letu fo na ƭat, ndax o fi fop ke hebloonga, gay bargal es fo ke simtuuma,

Xa peƭit axe 12:28

O ñoow ole kaa ref na ƭat ale no cofel ole, ndaa a jega a ƭat a lakas alaa na ɓisaa na fa nqon.