Heseki’el 18:7 - NQAARIIT NE ROOG

⁷ Ñoowitkee onj no kiin, a daknaa ke ta tayle’eena no lad, guuɗkee, a ci’aa o qeexe xe ta ñaam soo a ñiraa o ƥangde xe.

Heseki’el 18:7 Referans Kwoze

Heseki’el 18:16

ñoowitkee onj no kiin, jangkee tayle, guuɗkee, ndax a ci’aa o qeexe xe ta ñaam, soo a ñiraa o ƥangde xe.

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

A sutax ale 22:26

yaam keene soom a jegu, ta ref kulooxel um fo ñirax um. O geekangaan, xar a hulooxkaa, yaa ta wondooxna? A ƴufginooxangaam, xam nanin, yaam Roog faa na yirmaa refum.

Heseki’el 33:15

A daknangaa ke ta tayle’eena mbaat ke ta guuɗna, a fi’atangee njofaƭar, ndax a reefaa bargal ke no ñoow ole, xonkee, too a woora yee xan a ñoow.

YEGIL MBAAX NE YEESU ne Lik a bindtuuna 3:11

Saŋ a doona a den ee: «Oxuu jegna toki ƭik, fat a coox teen leng oxe jegeerna, oxe jegna kaa ta ñoowitna, a xaajir fo xe jegeerna.»

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

Amos 2:8

Mbaambir o sadaxand oluu refna pay tayle’te soom a ƭaapaa, a yertaa biiñ fee da suqtitna no we saqanna a den o lad me da njuurooraa.

Heseki’el 18:18

Faap um reeƭu o ñaañagadil, a guuɗaa o pog um, fi’ee ndeer xeet um kaa faaxna, o ten na xonkaa yaam tooñ xoox um.

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sofoni 1:9

A koom, xam xaw fop we na ƈakandooxaa peg ne, we na mayƭandtaa pind no yaal den kalal caɓe fo kaa njegteena na ƭat a qeleer.

Mise 3:2

Kaa koy, kaa nu sib paax ke, soo mbex paaxeer. Kaa nu ƭoltaa ƭool no kiin, listit cer ke na xa kiiƈ axe.

Mise 2:1

Sabab took no we na yuuɓaa paaxeer, a ƭaapaa njofaƭar, yaa da mbondooxna o yeng sax! Njeeƈ ne xaa wataa, da mbadnin, yaam a mbaagin.

Amos 6:3

Nu mbugee nan kaa farna no ñaal ne o njakad a fudooxankaa a nuun boo ƈut, soo mbi’aa kaa na qicaa took nuun maat yednu.

Heseki’el 7:23

Xawi ceen yaam saax le kaa may muut fo kate yednu, teeru fee a naag tem fo a ƭom-yedar.

Yeremi 22:3

Keeke o Yaal oxe a layu: Ñaaƴinyo a ƭat fo o cofel, suqit oxe na toroxandeel na xa ƥay no ñaañagadil oxe! Ba nu toroxand o gataakoon ole mbaat o waan ole mbaat o ñaaw oxe, ba nu ñagadil a den too ba nu ƥax no mbiñ onqene fo’oy jaambuur.

Esayi 33:15

Ten refu oxe na ñaaƴaa no cofel too a layaa ke refna a ƭat, a fañaa xaaliis fee jaɓteena o hup doole, a ŋook xa ƥay um, ndax dekkee nger, a sux nof um no we na sooban na pi a yednu, too ɗeetitkee paaxeer leng o ngid-o-nqoloos.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

Esayi 1:17

Aqatooxyo a pi a paax, naaɓ o cofel, ci a caf oxe na ñagadileel, ƥoxot o waan ole ke refna wargal um, soo o ñaaw oxe, nu mbartin.»

Xa peƭit axe 28:27

Oxe na ci’aa rool we naagee o roolaa, oxe na fañaa ɗeet a den o mat kaa salooxeel.

Xa peƭit axe 28:8

Oxe na rimandaa halal um, ndax ta moƴ o may, kaa fokatanan oxe na yirmaa rool we.

Xa peƭit axe 14:31

Oxe na toroxandaa o ndool onqe, kaa xeef oxe sakuuna, yirim o toroxu xe mat a ref o niw o saasak um.

Xa peƭit axe 3:31

Ba o yaaw o kiin fo’oy oxe mbaat o bug o xot fo ten a ƭat.

A kim a tedu ke 112:9

Kaa mos kam, a ci’aa rool we, too o cofel um xan a maadaa boo faw. O cok um ole took kam o ndam onqe.

A kim a tedu ke 112:4

A qoolaand kaa meleƈanaa jofu we kam o niɓaan ole. Kaa jeg yirmande, a yaaj kam soo a jof.

A kim a tedu ke 41:1

O yaal a ƭat ale no jeejeek we a xoolne yee a kim a tedu lene kaa fog na ke Dawid.

Ke bindeena no xe ne’eena YOB 24:9

Oxe jegateerna faap kaa suqtiteel no ƭeen ya um, o ƥiy onqe no ndool onqe a xotel, a rabditikel o lad.

Ke bindeena no xe ne’eena YOB 24:3

Kaa njangaa o faam ole no waan ole, nqoox ne no ñaaw oxe, da nqotin nen ngaasnit.

Ke bindeena no xe ne’eena YOB 22:6

yaam kaa o rabdinooxoogu fog of ngaasnit no kaa kiin a andeerna, jaɓ ñirax den, xaƴ a den ƭuc.

A cangatin ale 24:17

«Ba nu ƭap yaa fa hate took o mbug o maaf o gataakoon mbaat o waan. Ba nu njang ñirax no ñaaw nen ngaasnit.

A paɗax ale 19:15

Ba nu ngate’it njofaƭar, mbarit o neewu doole xe mbaat o yaal doole xe, ndaa ngate’ityo o cofel.

A sutax ale 23:9

Ba nu ñagadilaa xa kataakoon axe. Nu anda a paax a qalaat den, yaam nuun fa qoox nuun nu ndeeƭa xa kataakoon no saax laa Misira.»

Amos 2:6

Keeke o Yaal oxe a layu: «Felaam o jaf no Ii-isra’el we a caf a tadak boo na nahak sax, ta dak no paaxeer. Kaa sofit o ñis no cofu xe xaaliis, o ndool onqe da ndoomin no peer xa ñaaƭ. Ten taxu o ɓay es ole yoɗooxna waagee ñak o dal:

A paɗax ale 25:14

A soƥangaa yee kaa nu njikraa o saawit, ba o leng na nuun a nax o pog um,

A paɗax ale 19:13

Ba nu ñoowit onj no kiin o lakas, too ba nu njaɓ tig um. Ba nu mbe muk fo ndabid no saasaadnax nuun.

Heseki’el 16:49

Keeke refu tooñ ne Sodoom fee o ndeɓ of o ndew: Kaa magnandoox’u, a ñaam kupu, a yaadoox, ten fo xa ƥeem xa tew, too dif’oogee xa ƥay no toroxu xe fo o ndool onqe.

Dañel 4:27

too a laya yee: «Ndax meeke refee Babilon fa maak fee maxtuuma doole es, ta ref teeru no maad fee mi, a laltaa o niwel es fo o ndam es?»

A sutax ale 22:25

Boo o kiin a tayle’oonga ndoki um, nomteen o ten boo njeeƈ ne a helko fo mudaa,

Nehemi 5:10

Mi itam, fog es fo dag es, i ƥanda a den xaaliis fa bele. Fat i mbaas boog ke da saqanna a in.