Heseki’el 18:6 - NQAARIIT NE ROOG

⁶ Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

Heseki’el 18:6 Referans Kwoze

Heseki’el 18:15

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um,

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Heseki’el 20:24

yaam ndeef’ee bargal es, a ndeɓ kebil es, a maasand pes a ñootnax es soo a maad o ngaan no pangool ke no daan den.

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

A lim ale 25:2

Weene a ƥeka a den da ñaamaa sadax ke ƥoxoteena roog ke den, soo a mbaɗooxaa roog keene.

A paɗax ale 20:18

Boo o koor a wondooxna fo o tew oxaa saqna tap, den ɗik fop fat a sutel xeet fee Isra’el, yaam ne da ngultirna.

A paɗax ale 20:10

Boo o koor a seeqna fo o tew no kend um, den ɗik fop fat a mbarel.

Hebre 13:4

Fat fop a niw ndolnir ne, we ngiɓoorna no ndolnir ne a njeg ngor a ndeer den, yaam xan Roog a hate a cuut ake fo we na seeqaa.

1 Korint 10:20

Ha’aa! Kuu sadaxeena pangool ke, cini ke a juurane, fi’anaand a Roog, too bugiim nu mbokatoor fo cini ke.

Mace 5:28

Mi o mat, mexe layaa a nuun ee: Oxuu na ɗeetaa o tew boo a yaawin, a seeqa fo ten no xeeñ um boo a ƴut.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 20:7

Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

A kim a tedu ke 121:1

A kim no ñaañaaƴ we yoo. Daxaaƴooxaam xa coong axe. Mam ƈufig es a inoorkaa?

A sutax ale 34:15

Mbootooxyo o ndalin ngiɓoor fo we ngenna no saax le, yaam ndik ne da njaga’aa fo roog ke den soo a ƥoxotaa a den sadax, da nqoy a nuun, nu ñaam no sadax ke den.

Xa peƭit axe 6:29

Neene a nandu no xaa yoonna fo o tew no kiin o lakas. Oxuu duquuna ñakkaand o xaw.

Heseki’el 18:5

O kiin oxe jofna, kaa ñaaƴnaa a ƭat fo o cofel.